Francisco Fernández Ochoa

Francisco Fernández Ochoa (25. februar 1950–6. november 2006) var ein spansk alpin skirennar fødd i Madrid som vart olympisk meister i slalåm i 1972. Blanca Fernández Ochoa var systera hans.

Francisco Fernández Ochoa
Statsborgarskap	Spania
Fødd	25. februar 1950 Madrid
Død	6. november 2006 (56 år) Cercedilla
Yrke	alpinist
Språk	spansk
Høgd	171 centimeter
Francisco Fernández Ochoa på Commons

Statue av Francisco Fernández Ochoa i Cercedilla

Aktiv

Fernández Ochoa deltok i fire olympiske vinterleikar, 1968-80. Fram til Vinter-OL 1972 hadde han som best nokre sjuandeplassar i verdscupen i alpine greiner, alle i spesialgreina slalåm. I OL-slalåmen i Sapporo stod han for ein av dei store OL-sensasjonane då han vann ein soleklar siger framom Gustav Thöni frå Italia.

To år etter, under VM i alpine greiner 1974 i St. Moritz, tok Fernández Ochoa bronsemedaljen i slalåmrennet. Knapt fire veker seinare vann han sin einaste siger i eit verdscuprenn, i ei slalåmtevling i polske Zakopane viste han Gustav Thöni til andreplassen, nett som i slalåmrennet under OL 1972.

Han døydde 56 år gammal i heimbyen Cercedilla i regionen Madrid etter ei tid med lymfekreft.

Kjelder

• Sportsboken, aktuelle årgangar

• Denne artikkelen bygger på «Francisco Fernández Ochoa» frå Wikipedia på engelsk, den 8. januar 2015.