Fuengirola
Fuengirola, i antikken kalla både Suel og Suhayl, er ein by og ein kommune på Costa del Sol i provinsen Málaga og den autonome regionen i Andalucía i det sørlege Spania. Han er ein stor feriestad med 8 km strender og ei stor maurisk festning. I lag med mykje av kysten her har byen gått gjennom omfattande urban utvikling.
| Fuengirola | |||||
|---|---|---|---|---|---|
 | |||||
| |||||
| Plassering | |||||
  | |||||
| Styresmakter | |||||
| Land |  Spania
| ||||
| Autonom region | Andalucía | ||||
| Provins | Málaga | ||||
| Geografi | |||||
| Flatevidd - By |
10,2 km² | ||||
| Innbyggjarar - Totalt (2008) - folketettleik |
68 646 6 730 /km² | ||||
| Koordinatar | 36°28′N 4°37′W / 36.467°N 4.617°W | ||||
| Høgd over havet | 6 moh | ||||
| Diverse annan informasjon | |||||
| Postnummer | 29640 | ||||
| Nettstad: www.fuengirola.org | |||||
Området har eit subtropisk middelhavsklima med ein årleg middeltemperatur på 18°C.
Historie
endreByen har opphav i fønikisk, romersk og arabiske sivilisasjonar.
Ved foten av fjellkjeda bak byen ligg ei arabisk borg med ruinar av tidlege iberisk-puniksle eller fønikiske busetnader, som romarane seinare overtok. Under romarane vart byen kalla Suel. I 1961 vart det oppdaga ruinar av romerske bad på staden.
Borga vart bygd av Abderramán III på midten av 900-talet. Byen Suel vart ikkje nemnd frå starten av mellomalderen og utover. Etter fleire hundre år endra namnet seg frå Suel til Suhayl, som vart namnet på borga og området rundt under maurartida. Suhayl vart ein forholdsvis stor busetnad. Det meste av området rundt vart nytta som beitemarker for kamelane til dei mauriske herskarane. Tidleg i mellomalderen vart byen sett i brann og innbyggjarane flykta til Mijas. Suhayl vart ein ruinhaug og namnet vart endra til det romaniserte Font-Jirola, etter kjelda ved foten av borga.
I 1485 stod berre festninga att og busetnaden vart erobra av kristne monarkar. Det vart gjort forsøk på folkesette byen på ny, men det var mislukka og i 1511 var staden registrert som folketom bortsett frå festninga og eit utkikkstårn.
På 1600-talet utvikla ein ny busetnad seg og utover 1700-talet ein liten landsby. Slaget ved Fuengirola fann stad i området under den spanske sjølvstendekrigen den 15. oktober 1810. Om lag 200 polske soldatar frå Hertugdømet Warszawa slo ein blanda britisk-spansk styrke med 3000 soldatar under Lord Blayney.
I 1960-åra vart Fuengirola eit turistsenter.
Kjelder
endre- Denne artikkelen bygger på «Fuengirola» frå Wikipedia på engelsk, den 28. oktober 2009.
Bakgrunnsstoff
endre
Reiseguide for Fuengirola frå Wikivoyage