Gent

Gent (fransk Gand) er ein bykommune i den belgiske provinsen Aust-Flandern.

Gent
Belfry i Gent Belfry i Gent
Styresmakter
Land Provins	Belgia Aust-Flandern
Grunnlagd	rundt 650
Geografi
Flatevidd	157,77 km²
Flatevidd  - By	151,18 km²
Innbyggjarar  - By (2021)    - folketettleik	263 703   1 493/km²
Koordinatar	51°03′N 03°43′E
Diverse anna
Postnummer	9000-9052
Telefon-retningsnummer	09
Heimeside: www.gent.be
Plassering
Gent kommune og distrikt i provinsen Aust-Flandern. Gent kommune og distrikt i provinsen Aust-Flandern.

I mellomalderen var Gent den nest største byen i Nord-Europa etter Paris på grunn av sin store tekstilproduksjon.

Økonomi

Hamna i Gent, nord i byen, er den tredje største i Belgia. Hamna er tilknytt havet gjennom Gent-Terneuzen-kanalen.

Universitetet i Gent og mange forskingsorienterte selskap held til i sentrum og sør i byen. Som den største byen i Aust-Flandern har Gent òg mange sjukehus, skular og kjøpesenter.

Turisme

Turismen er sterkt aukande og sysselset stadig fleire.

Arkitektur

Mykje av mellomalderarkitekturen i byen er intakt og er svært godt vedlikehalden. Sentrum er det største bilfrie byområdet i Belgia. Interessante stader er St. Bavo-katedralen, klokketårnet, Gravensteenslottet og den utmerka arkitekturen langs den gamle hamna Graslei. Gent har ivaretatt ein fin blanding av notid og historie og er ikkje ein død museumsby. Byen inneheld òg eit vakkert operahus og fleire teater.

Restaurantar

Som dei fleste belgiske byar har Gent eit rikt nasjonalt og internasjonalt serveringstilbod. Spesielt det hyggelege småhusområdet «Patershol» har mange restaurantar. «Sleepstraat» litt lengre nord har mange tyrkiske restaurantar. Byen har elles eit rikt uteliv med mange konsertar.

Festivalar

Gent er vertskap for nokre store festivalar, som den store Gentse Feesten (bokstavleg «Gentfesten»), I Love Techno, Flanders International Film Festival Ghent og Festival van Vlaanderen (Flandernfestivalen).

Museum

Gravensteenslottet frå 1100-talet

Viktige museum i Gent er Museum voor Schone Kunsten (Museum of Fine Arts), med bilete av Hieronymus Bosch, Jean Fouquet og mange flamske kunstnarar; SMAK (Stedelijk Museum voor Actuele Kunst (Bymuseet for Samtidskunst)), med verk frå 1900-talet av m.a. Joseph Beuys og Panamarenko; og Designmuseet. Det er òg eit museum som presenterer Gent sin industrielle styrke, Museum voor Industriële Archeologie en Textiel (MIAT). Her har ein gjenskapt verkstader og butikkar frå 1800-talet og kan sjå vevemaskinane som står igjen i denne bygningen. Gravensteenslottet er òg eit museum som viser slottet si utvikling sidan det vart bygd i 1180. Ein del av slottsmuseet er òg via gamle tourturreiskapar.

Samferdsel

Dei to store store Europavegane E17 og E40 kryssar ved Gent. Byen har òg den tredje største jernbanestasjonen i Belgia. Lokalt er det bussar og trikkar som dominerer kollektivtrafikken. Gent er særs godt tilrettelagt for syklistar. Mange av dei gamle torga er bygd om og har no fleire etasjar med parkeringshus under seg.

Kjende personar frå Gent

• Victor Horta

Graslei er ein av dei vakraste stadane i Gent sentrum. Bygningen på hjørnet er det gamle postkontoret (med eit lite klokketårn) og lenger bak til høgre ser ein dei tre Gent-tårna.

Bakgrunnsstoff

Wikimedia Commons har multimedia som gjeld: Gent