Georg Jersin
norsk prest
Georg Burchard Jersin (20. januar 1767–5. oktober 1827) var ein norsk prest og stortingsmann.
| Georg Jersin | |
 | |
| Statsborgarskap | Noreg |
| Fødd | 20. januar 1767 Leikanger kommune |
| Død |
5. oktober 1827 (60 år) |
| Yrke | prest, politikar |
| Språk | norsk |
| Religion | Den evangelisk-lutherske kyrkja |
| Far | Jacob Christian Jersin |
| Georg Jersin på Commons | |
Jersin var fødd i Leikanger i Sogn, der far hans var prest. Han gjekk i skule i Bergen, student frå katedralskulen i 1786. Cand. theol. vart han i 1793. Jersin var frå 1794 pers. kapellan hos faren, i 1800 vart han residerande kapellan i Voss. Han fekk året etter oppretta Voss soknebibliotek, eit av dei tidlege offentlege biblioteka i Noreg. År 1808 vart han utnemnd til sokneprest i Voss, eit embete han styrte til han døydde. Jersin var forlikskommissær i ei rekke av år.
Jersin var vald til 2. utsending frå Søndre Bergenhus amt til riksforsamlinga på Eidsvoll i april og mai 1814. Han slutta seg til sjølvstendepartiet.[1]
Kjelder
endre- Tallak Lindstøl: Stortinget og Statsraadet 1814-1914. Kristiania, 1914
Bakgrunnsstoff
endre- Biografisk informasjon om Georg Jersin NSD Norsk senter for forskningsdatas politikararkiv
- Georg Burchard Jersin i Folketeljinga 1801 frå Digitalarkivet. (Voss prestegjeld)