Leikanger

Leikanger er ein tettbygd stad og ei bygd i Sogndal kommune i Sogn. Saman med Hermansverk dannar Leikanger ei bygd med meir eller mindre samanhengande busetnad som vert kalla Systrond. Systrond eksisterer rett nok ikkje som offisielt namn og Statistisk Sentralbyrå nyttar nemninga Hermansverk/Leikanger om den delen av bygda som tilfredsstiller deira krav til omgrepet tettstad. Bygda er sete for Sogn og Fjordane fylkeskommune og for Fylkesmannen i Sogn og Fjordane som held til i Statens hus Sogn og Fjordane (offisielt lokalisert til Hermansverk) som vart opna av moderniseringsminister Morten Andreas Meyer i mai 2005. Til saman bur det drygt 2 100 innbyggjarar på Systrond.

Leikanger
stad
Land	Noreg
Fylke	Vestland
Kommune	Sogndal
Postnummer	6863 LEIKANGER
Innbyggjarnamn	Utaføring (felles for kommunen: Systrending)
Preposisjon	På Leikanger
Ferdselsårer
Leikanger 61.185555555556°N 6.8044444444444°E / 61.185555555556; 6.8044444444444

Hermansverk har i løpet av dei siste par tiåra teke over dei aller fleste sentrumsfunksjonane i bygda, og i dag (2007) er ein av dei viktigaste funksjonane på det gamle Leikanger sentrum (Hanehaug) kaien som har anløp av ekspressbåten mellom Sogn og Bergen Ein annan viktig funksjon er Leikanger Fruktlager, samtidig ligg det òg bilverkstad, hotell og bilverkstad her.

Namnet Leikanger er opphavleg knytt til kyrkjestaden om lag ein kilometer aust for kaiområdet i retning Hermansverk, og namnet kjem av norrønt leik (kamp, leik) og vangr (slette, vang), noko som kan tyda på at staden har vore ein sentral møteplass i tidlegare tider der ein kanskje har møttest til idrett og eller tvekamp. Det er elles rike fornminnefunn frå både jarnalder og vikingtid i bygda.

Media

Sogn Avis har hovudkontor på Leikanger.

Bakgrunnsstoff

• Fylkesmannen i Sogn og Fjordane om Statens Hus i Leikanger
• www.noreg.no, portalen til offentleg informasjon i Noreg har kontor i Statens Hus i Leikanger
• Fornminne frå Systrond Arkivert 2007-09-28 ved Wayback Machine. på nettstaden til Leikanger kommune

Kjelder

Denne geografiartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.