Giampaolo Caruso
Giampaolo Caruso (fødd 15. august 1980 i Avola) er ein italiensk profesjonell landevegssyklist som syklar for UCI ProTour-laget Katjusja.
 | |
| Syklist | |
|---|---|
| Namn | Giampaolo Caruso |
| Fødd | 15. august 1980 (44 år) |
| Fødestad | Avola, Italia 
|
| Høgd | 1,73 m |
| Vekt | 60 kg |
| Laginformasjon | |
| Lag | Katjusja |
| Disiplin | Landevegssykling |
Karriere
endreCaruso vart europameister i landevegssykling i U23-klassen i 2001, og i oktober same året kom han på andreplass bak Jaroslav Popovytsj i same klassen i VM i Lisboa. Etter dette fekk han proff-kontrakt med det spanske sykkellaget ONCE-Eroski. Han feira fyrste proffsigeren sin på femte etappen i Tour Down Under i 2003, men vart teken for doping, og frådømd sigeren.[1] Etter å ha vore utestengd i seks månadar fortsette han kontrakten med det spanske laget i 2004. Det hadde i mellomtida skift namn til Liberty Seguros og vorte UCI WorldTour-lag. I eindagsrittet Giro di Lombardia i 2005 kom han inn til mål saman med ei lita tetgruppe og vart fjerdemann. Året etter kom han på fjerdeplass på fyrste fjelletappen i Giro d'Italia og på tolvteplass i samandraget. Seinare i 2006 vart han og heile laget dregne inn i Operación Puerto-saka, og sjølv om han til sist vart frikjend følgde saka han heilt til byrjinga av 2009.[2]
I 2009 skreiv han under for det italienske laget LPR Brakes-Farnese Vini. Kontrakten gjekk ut 2011,[3] men han skifta lag til Ceramica Flaminia-Bossini Docce alt midt i 2009-sesongen. Han hadde kontrakt med dei ut 2011,[4] men 6. april 2010, etter at arrangøren av Giro d'Italia hadde kunngjord at Ceramica Flaminia ikkje fekk plass i rittet, fekk han lov til å bryte kontrakten før tida og signerte med det russiske laget Katjusja.[5] Seint i 2011 fekk han kontrakten sin forlengd for 2012.
Resultat
endreGrand Tours samanlagt
endre| Ritt | 2004 | 2005 | 2006 | 2007 | 2008 | 2009 | 2010 | 2011 | 2012 |
|---|---|---|---|---|---|---|---|---|---|
| Giro d'Italia | - | 19[6] | 12[7] | - | - | - | 46[8] | 41[9] | - |
| Tour de France | - | - | - | - | - | - | - | - | 37[10] |
| Vuelta a España | 72[11] | 59[12] | - | - | - | - | 35[13] | - | - |
Dopingsaker
endreEtter å ha sykla først over mål på den femte etappen i det australske etapperittet Tour Down Under i 2003 testa Caruso positivt for det anabole steoridet nandrolon, og vart av det italienske sykkelforbundet frådømd sigeren og utestengd frå idretten i seks månader. Han mista også fjerdeplassen samanlagt i rittet, fjerdeplassen i poengtevlinga og åttandeplassen i klatretevlinga, og fekk ei bot på 2000 dollar.[1]
I 2006 vart han namngjeven i samband med den store dopingsaka kalla Operación Puerto, men saka hans vart snøgt lagd vekk av det spanske sykkelforbundet.[14] Den italienske olympiske komiteen var ikkje samd og tok sjølv opp saka og gav han to års utestenging frå idretten i 2007, og han var suspendert nokre månader, men han anka og vart frikjend i Den internasjonale skilsdomstolen for idretten i januar 2009.[2] Caruso har heile tida sagt seg uskuldig.
Referansar
endre- ↑ 1,0 1,1 Val Migliaccio (13. oktober 2012). ««Cycling body in disgrace after Tour Down Under stage winner exposed as drug cheat»». heraldsun.com.au. Henta 20. oktober 2012.
- ↑ 2,0 2,1 Mark Zalewski (23. januar 2009). ««Caruso acquitted of Puerto involvement»». Cycling news. Henta 20. oktober 2012.
- ↑ Gregor Brown (1. juli 2009). ««LPR Brakes welcomes Caruso»». Cycling news. Henta 20. oktober 2010.
- ↑ Gregor Brown (10. november 2009). ««Giampaolo Caruso renews with Ceramica Flaminia for two years»». Cycling news. Henta 20. oktober 2010.
- ↑ Stephen Farrand (6. april 2010). ««Katusha signs Giampaolo Caruso»». Cycling news. Henta 20. oktober 2010.
- ↑ «Giro d'Italia 2005 - May 29, Stage 20: Albese con Cassano - Milano 119km». Cycling news.
- ↑ «Classifica generale». Gazzetta dello Sport.
- ↑ «Giro d'Italia 2010 - May 30, Stage 21: Verona - Verona (ITT) 15km - Basso wins Giro d'Italia». Cycling news.
- ↑ «Giro d'Italia 2011 May 29, Stage 21: Milan 26km Contador claims second Giro d'Italia victory». Cycling news. Alberto Contador vart i ettertid frådømd sigeren, og alle andre på resultatlista vart flytt ein plass opp.
- ↑ «Rambouillet / Paris Champs-Élysées». Nettstaden til Tour de France.
- ↑ «CLASIFICACIÓN GENERAL INDIVIDUAL FINAL Año 2004». Nettstaden til Vuelta a España.
- ↑ «CLASIFICACIÓN GENERAL INDIVIDUAL FINAL Año 2005». Nettstaden til Vuelta a España.
- ↑ «CLASIFICACIÓN GENERAL INDIVIDUAL FINAL Año 2010». Nettstaden til Vuelta a España.
- ↑ John Kenny (26. januar 2010). ««Caruso case dropped by Spanish federation»». Cycling news.
Kjelder
endre- Denne artikkelen bygger på «Giampaolo Caruso» frå Wikipedia på engelsk, den 20. oktober 2012.
- Denne artikkelen bygger på «Giampaolo Caruso» frå Wikipedia på tysk, den 20. oktober 2012.
Bakgrunnsstoff
endre- Presentasjon på nettstaden til Katjusja Arkivert 2012-04-24 ved Wayback Machine.
- Nettstaden til Giampaolo Caruso Arkivert 2013-01-24 ved Archive.is