Vuelta a España

Vuelta Ciclista a España (til vanleg Vuelta a España; på norsk òg Spania rundt eller Vueltaen) er ein av dei tre «Grands Tours» innan sykkelsporten, og etter Tour de France og Giro d'Italia det viktigaste etapperennet i verda. Rittet høyrde til UCI ProTour frå 2005 til 2007. Frå 2011 har det tilhøyrt etterfølgaren UCI World Tour. Arrangørar er firmaet Unipublic.

Frå Vueltaen i Santander (2003)

Historie

Vueltaen blei første gong arrangert i 1935, og frå 1955 har rittet blitt arrangert kvart år. Det første året konkurrerte 50 deltakarar over 14 etappar med ei snittlengd på 240 km kvar. Totaldistansen var 3 411 km. Vueltaen blei starta av Juan Pujol for å auke salet av dagsavisa Informaciones etter at han såg kor viktige dei franske og italienske etapperitta var for å auke salet av sponsoravisene L'Auto og La Gazzetta dello Sport.

I starten blei Vueltaen arrangert om våren, til vanleg seint i april, men for å unngå direkte konkurranse med Giro d'Italia som går føre seg i mai, blei Vueltaen frå og med 1995 flytta til september.

Særdrag

Rittet går føre seg over tre veker gjennom Spania og det nære utlandet og finaleetappen blir gjerne lagt til Madrid.

Til vanleg blir arrangementet bygd opp av flate etapper som favoriserer sprintarane, mellomtunge etappar som er veleigna for utbrytargrupper og fjelletapper som favoriserer klatrespesialistane. I tillegg er det gjerne to tempoetappar. Vueltaetappene er relativt kuperte, noko som har ført til at det stort sett er sterke klatrar som har tatt samanlagtsigeren.

I 1999 stod klatreetappen opp Alto de El Angliru i Asturias på programmet for første gong. Stigninga er opp mot 24% på det brattaste, og stigninga blir rekna som ei av dei hardaste i noko landevegsritt. Seinare har denne etappen blitt eit særmerke for Vueltaen.

Vinnarar av Vuelta a España

2022 Belgia Remco Evenepoel 2021 Slovenia Primoz Roglic 2020 Slovenia Primoz Roglic 2019 Slovenia Primoz Roglic 2018 Storbritannia Simon Yates 2017 Storbritannia Chris Froome 2016 Colombia Nairo Quintana 2015 Italia Fabio Aru 2014 Spania Alberto Contador 2013 USA Chris Horner 2012 Spania Alberto Contador 2011 Storbritannia Chris Froome 2010 Italia Vincenzo Nibali 2009 Spania Alejandro Valverde 2008 Spania Alberto Contador 2007 Russland Denis Mensjov 2006 Kasakhstan Aleksandr Vinokurov 2005 Russland Denis Mensjov 2004 Spania Roberto Heras 2003 Spania Roberto Heras 2002 Spania Aitor Gonzalez 2001 Spania Angel Luis Casero 2000 Spania Roberto Heras 1999 Tyskland Jan Ullrich 1998 Spania Abraham Olano 1997 Sveits Alex Zülle 1996 Sveits Alex Zülle

1995 Frankrike Laurent Jalabert 1994 Sveits Tony Rominger 1993 Sveits Tony Rominger 1992 Sveits Tony Rominger 1991 Spania Melchor Mauri 1990 Italia Marco Giovanetti 1989 Spania Pedro Delgado 1988 Republikken Irland Sean Kelly 1987 Colombia Luis Herrera 1986 Spania Alvaro Pino 1985 Spania Pedro Delgado 1984 Frankrike Eric Caritoux 1983 Frankrike Bernard Hinault 1982 Spania Marino Lejarreta 1981 Italia Giovanni Battaglin 1980 Spania Faustino Ruperez 1979 Nederland Joop Zoetemelk 1978 Frankrike Bernard Hinault 1977 Belgia Freddy Maertens 1976 Spania José Pesarrodona 1975 Spania Augustin Tamames 1974 Spania José Manuel Fuente 1973 Belgia Eddy Merckx 1972 Spania José Manuel Fuente 1971 Belgia Ferdinand Bracke 1970 Spania Luis Ocaña 1969 Frankrike Roger Pingeon

1968 Italia Felice Gimondi 1967 Nederland Jan Janssen 1966 Spania Francisco Gabica 1965 Tyskland Rolf Wolfshohl 1964 Frankrike Raymond Poulidor 1963 Frankrike Jacques Anquetil 1962 Tyskland Rudi Altig 1961 Spania Angelino Soler 1960 Belgia Franz De Mulder 1959 Spania Antonio Suarez 1958 Frankrike Jean Stablinski 1957 Spania Jesus Loroño 1956 Italia Angelo Conterno 1955 Frankrike Jean Dotto 1951-1954 Ikke arrangert 1950 Spania Emilio Rodriguez 1949 Ikkje arrangert 1948 Spania Bernardo Ruiz 1947 Belgia Edouard Van Dyck 1946 Spania Dalmacio Langarica 1945 Spania Delio Rodriguez 1943-1944 Ikkje arrangert 1942 Spania Julian Berrendero 1941 Spania Julian Berrendero 1937-1940 Ikkje arrangert 1936 Belgia Gustave Deloor 1935 Belgia Gustave Deloor

Bakgrunnsstoff

• Offisiell webside
• Trøyefargar på rp-online.de