Gross Fiescherhorn
Gross Fiescherhorn er eit fjell på 4049 meter i Bern-Alpane i Sveits. Nær ved ligg det litt lågare Hinter Fiescherhorn (4025 m). Frå nord ligg begge fjelltoppane i skjul bak andre fjell. Lettast å sjå er dei frå landsbyen Grindelwald (1034 m).
| Gross Fiescherhorn | |||
| fjell | |||
 Nordveggen (Fiescherwand) på Fiescherhorn
| |||
| Land |  Sveits
| ||
|---|---|---|---|
| Fjellkjede | Bern-Alpane | ||
| Høgd | 4 049 moh. | ||
| Primærfaktor | 364 m ↓ ↓ Fiescherjoch mot ↑ Finsteraarhorn | ||
| Sekundærfaktor | 4,7 km → → Mönch | ||
| Koordinatar | 46°33′05″N 8°03′40″E / 46.55139°N 8.06111°E | ||
| Lettast tilkomst | Fjell-, snø- og isklatring | ||
| Førstestiging | H. B. George | ||
| - dato | 23. juli 1862 | ||
 Gross Fiescherhorn 46°33′05″N 8°03′40″E / 46.551388888889°N 8.0611111111111°E | |||
  Plasseringa i Sveits
| |||
| Wikimedia Commons: Gross Fiescherhorn | |||
Klatresoge endre
Fjelltoppen vart klatra fyrste gongen den 23. juli 1862 av H. B. George og Adolphus Moore, saman med fjellførarane Christian Almer og Ulrich Kaufmann. Turen gjekk langs sørvestegga, det som i dag er normalruta.
Nordsida av fjellet vart klatra i 1926. 13. august det året nådde W. Amstutz og P. von Schumacher toppen etter ei 15-timars oppstiging langs nordegga, nordgrensa av Fiescherwand.
Fyrste direkteruta opp Fiescherwand vart klatra av W. Welzenbach og H. Tillmann i 1930. Klatrarane starta oppstiginga av Fiescherwand om morgonen 5. september. Dei valde å klatre ei rute som gjekk rett mot toppen. Toppen nådde dei i kveldinga, etter ei oppstiging som varde i 12 timar.
Kjelder endre
- Denne artikkelen bygger på «Gross Fiescherhorn» frå Wikipedia på engelsk, den 7. oktober 2009.