Hafez

Shams od-Din Mohammad (ca. 1315–1390), kjend som Hafez, er ein vidkjend persisk diktar. Han er rekna som ein nasjonaldiktar i Iran, og har ein framtredande plass i heile det persiske kulturområdet. Hafez skreiv rundt 500 korte lyriske dikt, ghazalar, som er blitt brukt i musikk, kalligrafi og folketradisjonar. Gravstaden hans blir vitja den dag i dag.

Hafez
Statsborgarskap	Muzaffaridene, Timuridedynastiet
Fødd	ca. 1325 Shiraz
Død	1389 (64 år) Shiraz
Yrke	lyrikar, songtekstforfattar, skribent
Språk	persisk, Tadsjikisk, arabisk
Religion	Islam, Sunniislam, Sufisme
Hafez på Commons

Illustrert side frå Hafez sin Divan. Persisk miniatyr frå 1585.

Hafez har tilnamnet Shirazi, ettersom han var fødd i Shiraz i noverande Iran. Han skreiv ei rekkje lovprisingar av heimbyen. Tilnamnet Hafez (ar. hâfiz) tyder 'korankjennar', og han skal ha kunna Koranen utanboks frå ung alder av, men ein har lite konkret kunnskap om livet hans.

Dei fortetta dikta hans tek for seg mystiske og moralske emne gjennom dyrking av vin og venleik, og kan både lesast som djupt gudelege og særs sanselege.

Kjelder

• «Hafez» i Store norske leksikon, snl.no.

Bakgrunnsstoff

Engelske omsetjingar

• The Divan (1891) ved Internet Archive
• Poems from the Divan of Hafiz (1897) ved Internet Archive
• Odes from the Divan of Hafiz : freely rendered from literal translations (1905) ved Internet Archive

Skandinaviske omsetjingar

• Fra vinhus og moské, Rumi, Hafez og andre persiske diktere, gjendiktet fra persisk av Finn Thiesen og Erling Kittelsen, Oslo, 2003. (norsk)
• Hafiz, Dikter, i svensk omsetjing från persiskan av Ashk Dahlén med forord av Finn Thiesen, Umeå, 2007. (svensk)
  Denne litteraturartikkelen som har med Iran å gjere, er ei spire. Du kan hjelpe Nynorsk Wikipedia gjennom å utvide han.