Hallad Ragnvaldsson

Hallad Ragnvaldsson (Hallað son Rögnvalds) var jarl på Orknøyane, truleg omkring år 890.

Hallad Ragnvaldsson
Fødd	ca. 860
Tittel	Jarl på Orknøyane
Føregangar	Guttorm Sigurdsson jarl
Etterfylgjar	Einar Ragnvaldsson (Torv-Einar)
Alle titlar	Jarl
Mor	Groa (?)
Far	Ragnvald Mørejarl

Detalj av pergamentside frå folio 101v av GKS 1005 - Flateyjarbók, med teksten jarl í Orkneyum.

Norrøne kjelder

Hallad Ragnvaldsson er nemnt i Orknøyingasoga og i «Soga om Harald Hårfagre».

Familie

Far til Hallad var Ragnvald Mørejarl og mora var ei frillekone som vi ikkje kjenner namnet på. I Orknøyingasoga er det nemnt at han hadde fire brør, eller halvbrør, dei var: Rollaug, Einar, Rolv (Gange-Rolv) og Tore (Tore Teiande). Berre dei to siste var ektefødde søner av Ragnvald jarl. Ein femte bror var Ivar som fall på ei hærferd saman med Harald Hårfagre.

Orknøyjarl

Etter at Ragnvald Mørejarl fekk kjennskap til at bror hans Sigurd og brorsonen Guttorm Sigurdsson var avlidne, sette han sonen sin, Hallad, til ny jarl på Orknøyane. Hallad busette seg på Rossøy (Mainland i Orknøyane).

På denne tida var det stor plage av vikingar som rana og drap folk, både på Orknøyane og på Katanes. Bøndene klaga seg til Hallad jarl, men han tykte det var vanskeleg å hjelpe dei, og til sist vart han lei av å vere jarl. Han sa frå seg tittelen og drog heim til Noreg for å bli bonde, og det blir sagt i soga at folk tykte at dette var ei skammeleg framferd (ferdð hin hæðiligsta).

Det er ikkje kjent verken når Hallad var fødd, eller når han vart jarl, men truleg må opphaldet hans på Orknøyane ha vore nokså kort og må kunne tidfestast til omkring 890.

Kjelder

Bakgrunnsstoff

• The Northern Earldoms, av Barbara E. Crawford (2013) ISBN 978 1 9046079