Hammersmith & City-linja

Linjer i London Underground

Bakerloo   Central   Circle   District   Hammersmith & City   Jubilee   Metropolitan   Northern   Piccadilly   Victoria   Waterloo & City     Docklands Light Railway   London Overground

Hammersmith & City-linja er ei linje i London Underground. Ho var ein del av Metropolitan-linja inntil 1988, då ho vart skilt ut som ei sjølvstendig linje. Hammersmith & City er markert med rosa farge på undergrunnskartet.

I dei siste åra før 1988 blei ho i aukande grad administrert som ei eiga linje. Seksjonar som ikkje vart brukt av resten av Metropolitan-linja var ikkje markert på kartet, noko som skapte vanskar for passasjerane. Dette gjaldt strekninga frå Hammersmith til Baker Street, og frå Liverpool Street til Barking. Det vart avgjort å skilje linja ut for å gjere det meir oversiktleg for passasjerane.

Ettersom opprettinga av linja skjedde såpass nyleg er det fleire stasjonar på linja som per 2005 framleis var markerte som om det var Metropolitan-linja som gjekk der; årsaka til dette er at mange av markeringane består av fliser i fargen til linja på veggane og permanente skilt. Desse blir gradvis skifta ut i samband med vedlikehaldsarbeid.

Strekninga mellom Paddington og Farringdon, som vart opna i 186], er den eldste underjordiske jernbanestrekninga som framleis er i bruk.

Kart

Kart over Hammersmith & City-linja

Stasjonar

Frå vest mot aust.

• Hammersmith
• Goldhawk Road
• Shepherd's Bush
• Latimer Road
• Ladbroke Grove
• Westbourne Park
• Royal Oak
• Paddington
• Edgware Road
• Baker Street
• Great Portland Street
• Euston Square
• King's Cross St. Pancras
• Farringdon
• Barbican
• Moorgate
• Liverpool Street
• Aldgate East
• Whitechapel
• Stepney Green
• Mile End
• Bow Road
• Bromley-by-Bow
• West Ham
• Plaistow
• Upton Park
• East Ham
• Barking

Kjelder

• Denne artikkelen bygger på «Hammersmith & City-linja» frå Wikipedia på bokmål, den 7. juni 2008.