Hannibalianus
Flavius Hannibalianus eller berre Hanniballianus (d. september 337) var eit medlem av det konstantinske dynastiet, som herska overRomarriket på 300-talet.
Hannibalianus var son av Flavius Dalmatius, og dermed ein nevø av Konstantin den store.[1][2] Hannibalianus og bror hans Dalmatius blei utdanna i Tolosa (Toulouse) av rhetoren Exuperius (som truleg ikkje er den same som den heilage Exuperius).
I 320-åra sende keisar Konstantin bod på Flavius Dalmatius og sonane hans om å koma til Konstantinopel. Hannibalianus blei gift med eldsedottera til keisaren, Constantina, i 335,[1] og blei gjort til nobilissimus.[3]
I samband med Konstantin sitt hærtog mot Sassanideriket i 337 blei Hannibalianus utnemnd til Rex Regum et Ponticarum Gentium, 'Konge av kongar og av det pontiske folket'.[1][2] Konstantin planla truleg å krona han som pontisk herskar etter at dei persiske sassanidane var overvunne.
Det persisk hærtoget fann ikkje stad ettersom Konstantin døydde i mai 337. Hannibalianus og bror hans døydde begge i den blodige valden som fann stad i keisarfamilien etter keisaren sitt dødsfall.[4]
Kjelder endre
- Denne artikkelen bygger på «Hannibalianus» frå Wikipedia på engelsk, den 3. august 2019.
- Wikipedia på engelsk oppgav desse kjeldene:
- Primærkjelder
- Ammianus Marcellinus, Rerum Gestarum XXXI
- Epitome de Caesaribus
- Zosimus, Historia Nova
- Sekundærkjelder
Bakgrunnsstoff endre
Wikimedia Commons har multimedia som gjeld: Hannibalianus