Hans Frette
Hans Frette (2. september 1927–16. oktober 1989) var ein norsk arbeidar og politikar frå Sauda. Han var stortingsrepresentant frå Rogaland og Arbeidarpartiet frå 1977.
| Hans Frette | |||
| Fødd | 2. september 1927 Sauda kommune | ||
|---|---|---|---|
| Død | 16. oktober 1989 (62 år) | ||
| Statsborgar av | Noreg | ||
| Parti | Arbeidarpartiet | ||
| Yrke | politikar, fagforeiningsleiar | ||
| Alle verv |
| ||
Frette var son til ein fabrikkarbeidar. Frå 1942 arbeidde han som bod i Televerket på heimstaden. Sidan hadde han Televerket som arbeidsgjevar til han vart pensjonert. Han var telefonarbeidar frå 1947, telefonmontør frå 1953, telefonformann frå 1967 og montasjeleiar frå 1971.
Frette deltok i lokalpolitikken og vart vald til varaordførar i Sauda for 1966-67. Deretter var han ordførar i ti år frå 1968 til -77. Han var landsstyremedlem i Det norske Arbeidarparti i tida 1965-1977. I 1977 vart han vald til å representere Arbeidarpartiet og Rogaland på Stortinget, attvald 1981 og 1985. Alle tolv sesjonane på Tinget var han medlem i Samferdslekomiteen.