Hans Hanssen-Fossnæs
Hans Hanssen-Fossnæs (9. oktober 1829–28. juni 1890) var ein gardbrukar, brukseigar og stortingsmann frå Stokke i Vestfold.
| Hans Hanssen-Fossnæs | |
| Statsborgarskap | Noreg |
| Fødd | 9. oktober 1829 Stokke kommune |
| Død | |
| Yrke | politikar, bonde, handelsskulekandidat |
| Språk | norsk |
| Politisk parti | Høgre |
Han var son til ein gardbrukar på Kroken i Ske sokn i Stokke, og overtok bruket etter far sin. I 1870 vart han eigar av Fossnæs i Arendal sokn i Stokke og flytta dit. På Fossnæs var det både mylne, sag og teglverk. Seinare selde han denne eigedomen til amtet, som der opna landbruksskule. Hanssen-Fossnæs var siste leveåra økonom ved amtssjukehuset i Tønsberg.
Hanssen-Fossnæs var 3. representant frå Jarlsbergs og Larviks amt på Stortinget i perioden 1883-85. Han var medlem av justiskomiteen. Også vald til stortingsmann for 1886-88, men møtte ikkje, då buet hans var under konkurshandsaming. Valet vart elles forkasta med 72 røyster mot 35.
Han døydde i 1890 i Tønsberg.
Kjelder
endre- Lindstøl, Tallak (1914). «Hanssen-Fossnæs, Hans Christian». Stortinget og statsraadet: 1814-1914. Kristiania: Steenske bogtrykkeri. s. 346.
- Biografisk informasjon om Hans Hanssen-Fossnæs NSD Norsk senter for forskningsdatas politikararkiv