Hans Kristian Hogsnes
Hans Kristian Hogsnes (17. oktober 1954–30. desember 2010) var ein norsk pressemann og politikar, fødd og død i Tønsberg. Han representerte partiet Høgre på Stortinget i perioden 2001-05.
| Hans Kristian Hogsnes | |||
| Fødd | 17. oktober 1954 Tønsberg | ||
|---|---|---|---|
| Død | 30. desember 2010 (56 år) | ||
| Statsborgar av | Noreg | ||
| Parti | Høgre | ||
| Yrke | politikar, journalist, redaktør | ||
| Medlem | Unge Høgre | ||
| Alle verv |
| ||
Hogsnes gjekk Tønsberg gymnas 1970–73 og Rønningen Folkehøgskole 1973/74. Frå 1975 til -81 var han journalist i Tønsbergs Blad, deretter arbeidde han 1981 i Høyres Pressebyrå og var så redaktør i Høyres Avis 1981–84. Eit langt tiår, 1984-95, var han nattredaktør og vaktsjef i Tønsbergs Blad.
Hogsnes var politisk aktiv i Unge Høgre. I tida 1976-87 var han medlem i Sem kommunestyre, varaordførar 1985–87, og skulestyreformann i Sem 1984–87. Frå 1988 var han medlem i Tønsberg kommunestyre til 2001, ordførar dei siste seks åra. Han var 1992-95 også medlem av fylkestinget i Vestfold.
Valperioden 2001-05 sat Hogsnes på Stortinget frå Vestfold fylke, der han var andre nestleiar i Kommunalkomiteen. Etter 2005 var han rådgjevar i kommunalpolitikk for partiet Høgre. Ved sidan av partipolitikk engasjerte Hogsnes seg mellom anna i kyrkjelege aktivitetar og i fråhaldssaka.
Kjelder
endre- Denne artikkelen bygger på «Hans Kristian Hogsnes» frå Wikipedia på bokmål, den 18. februar 2017.