Hans Skikkelstad
Hans Hansson Skikkelstad (4. september 1789–29. mars 1843) var ein norsk gardbrukar, industrireisar og stortingsmann frå Vardal i Oppland. Han var svigerfaren til Ole Mustad.
| Hans Skikkelstad | |
| Statsborgarskap | Noreg |
| Fødd | 4. september 1789 Vardal kommune |
| Død |
29. mars 1843 (53 år) |
| Yrke | politikar, bonde |
| Språk | norsk |
Skikkelstad var frå garden Bråstad i Vardal, der far hans var garbrukar. Sjølv var han frå 1809 gardbrukar på Skikkelstad i heimbygda. Ei tid var han i tillegg med på å forpakte Gjøvik glasverk. I året 1832 grunnla han og ein kompanjong Brusveen staaltraad- og spikerfabrik ved Hunnselva i Vardal. År 1838 busette han seg på garden Brusveen.
Skikkelstad var 4. representant frå Kristians amt på Stortinget i 1833, medlem av militærkomiteen. Ved det førre stortingvalet, 1830, vart han vald til 2. varamann. 1838-39 var han den fyrste ordføraren i Vardal.
Han døydde på garden sin, Brusveen i Vardal, i 1843. Industriverksemda gjekk då over til svigersonen Ole Mustad, som seinare vart til firma O. Mustad & Søn.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914
- Kyrjkjebok for Vardal 1831-53.
- Biografisk informasjon om Hans Skikkelstad NSD Norsk senter for forskningsdatas politikararkiv