Ole Mustad
Ole Hovelsen Mustad (12. mars 1810–24. februar 1884) var ein norsk industripioner, lensmann og stortingsmann. Han var leiande i utviklinga av firmaet O. Mustad & Søn. Mustad var frå Vardal. Kristian Mustad var sonen hans.
| Ole Mustad | |||
| Fødd | 12. mars 1810 | ||
|---|---|---|---|
| Død | 24. februar 1884 (73 år) | ||
| Statsborgar av | Noreg | ||
| Yrke | politikar | ||
| Barn | Kristian Mauritz Mustad, Hans Mustad | ||
| Alle verv |
| ||
Mustad var lensmann i Vardal frå 1834 til 1857. Han tok i 1843 over Brusveen Spiger- og Staaltraadfabrikk, grunnlagt av svigerfaren Hans Skikkelstad i 1832. Firmaet vart heitande O. Mustad. Fabrikken låg ved Hunnselva i Vardal. Mustad utvida drifta til å omfatte både støyperi og sagbruk, attåt den opphavlege produksjonen av ståltrad og spikar.
I 1874 vart sonen Hans Mustad medeigar, og firmanamnet vart endra til O. Mustad & Søn. Spikarproduksjonen vart flytta til Lysaker i Bærum i 1876. Fabrikken i Vardal spesialiserte seg frå då av på å lage fiskekrokar.[1][2] Selskapet vart verdas største produsent av fiskekrokar.[3]
Mustad representerte Kristians amt på Stortinget i 1854. Han var medlem av næringskomite nr 1. Også medlem av forlikskommisjonen og direktør i sparebanken.
Han døydde på Brusveen i Vardal, garden der han hadde budd sidan 1836.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
Notar
endre- ↑ Timeline Arkivert 2010-12-21 ved Wayback Machine. - Mustad.no
- ↑ History Arkivert 2007-07-15 ved Wayback Machine. - Mustad Eiendom
- ↑ «Mustad & Søn AS, O.». Aschehoug og Gyldendals Store norske leksikon. Kunnskapsforlaget. 2007.