Harald Torsvik
Harald Torsvik (fødd 3. oktober 1904 i Kristiansand, død 26. november 1941 på Akershus festning) var ein norsk jurist og motstandsmann. Etter okkupasjonen av Noreg deltok han i organiseringa av Heimefronten i Ålesund. Torsvik leidde ei avdeling som hadde til oppgåve å sende folk over til England, og opprette ei fast rute dit. Denne avdelinga vart kjent som Torsvik-gruppa. 26. mai 1941 vart han arrestert, og hamna først på Grini før han etter eit opphald i Åkebergveien fengsel vart send til Akershus festning. Saman med politibetjent og medlem av Torsvik-gruppa Karl Eriksen vart han dømd til døden 9. november 1941 for spionasje og arbeid for fienden og skoten 26. november same året. Lika etter dei to vart aldri funne.
| Harald Torsvik | |
| Statsborgarskap | Noreg |
| Fødd | 3. oktober 1904 |
| Død |
26. november 1941 (37 år) |
På 1950-talet vart Harald Torsviks plass i Ålesund oppkalla etter han.[1]
Kjelder
endre- Torsvik, Harald (1951). I Våre falne. 4 (s. 414). Oslo: Grøndahl.
Fotnotar
endre- ↑ Skrede, L. I. (2019). «Hvem var Harald Torsvik?». Sunnmørsposten (113): s. 6-7.
