Harald Warholm
Harald Warholm (21. juli 1920–10. februar 1967) var ein norsk fiskar og politikar frå Brønnøy. Han representerte Nordland og partiet Høgre på Stortinget frå 1958 til han døydde vel ni år seinare.
| Harald Warholm | |||
| Fødd | 21. juli 1920 Brønnøy kommune | ||
|---|---|---|---|
| Død | 10. februar 1967 (46 år) | ||
| Statsborgar av | Noreg | ||
| Parti | Høgre | ||
| Yrke | politikar | ||
| Alle verv |
| ||
Warholm var son til ein fiskeskipper. Etter middelskulen 1935-37 valde han sjølv same næringsvegen som far sin, og gjekk i unge år eit kurs i navigasjon og radiopeiling. Frå 1947 var han fiskeskipper til han hausten 1957 vart vald til stortingsrepresentant. Sidan vart han attvald i 1961 og 1965. På Stortinget fekk han plass i Sjøfarts- og fiskerikomiteen, der han hadde plass til han døydde i 1967. Vararepresentanten til Høgre i Nordland, Bodil Aakre, rykte då opp til fast representantplass.
Warholm var medlem av Brønnøysund kommunestyre i perioden 1960-63 og deretter i Brønnøy kommunestyre frå 1964 til han døydde.