Henriette Lien
Henriette Lien (fødd 20. desember 1969) er ein norsk skodespelar, dansar, programleiar, yogainstruktør, forfattar, foredragshaldar og coach.
| Henriette Lien | |||
| Fødd | 20. desember 1969 (54 år) | ||
|---|---|---|---|
| Verka som | skodespelar, dansar, yogainstruktør | ||
Karriere endre
Lien jobba som dansar i fleire musikalar og tv-show frå 1988-1998. Ho vart rikskjendis i såpeserien Hotel Cæsar på TV 2, der ho spelte rollefiguren Ninni Anker-Hansen i periodane 1998–2000 og 2001–2003, og Hos Martin, der ho i 2004 og 2005 spelte den karrierebevisste rollefiguren Elisabeth, som var gift med kaféverten Martin (spelt av Sven Nordin). Ho spelte òg mordaren Roxie Hart i musikalen Chicago på Oslo Nye Teater. I 2006 var Lien programleiar for danseprogrammet Dansefeber på TVNorge saman med Kjetil Tefke. I 2007 gjorde ho jobben åleine og i 2008 delte ho programleiarjobben med ein svensk og ein dansk programleiar i So You Think You Can Dance Scandinavia. Ho har òg vore programleiar for Hit og dit og Grease på TVNorge. Hausten 2009 gjekk Lien frå tv til radio og vart programleiar i programmet Morgenklubben med Loven & co på Radio Norge fram til 2016. Lien debuterte som forfattar med boka En Yogareise i 2018 og jobbar som i dag hovudsakleg som yogalærar i heile verda.
Kjelder endre
- Denne artikkelen bygger på «Henriette Lien» frå Wikipedia på bokmål, den 27. november 2021.