Heradstveit er ein gard i Kvam herad i Hardanger. Garden ligg på om lag 250 m.o.h. mellom Vikøy og Tørvikbygd på austsida av Hardangerfjorden og har vore i drift sidan 1600-talet. Gardshuset er i dag modernisert og gjort om til overnattingshus for turistar. [1] I tillegg er her utmarksdrift og sagbruk. [2] Kunstmålaren Mons Breidvik (1881-1950) var ei tid busett på Heradstveit.

Heradsveit
stad
Land Flag of Norway.svg Noreg
Fylke Hordaland
Kommune Kvam
Postnummer 5620 TØRVIKBYGD
Preposisjon Heradsveit

Ifylgje bøkene til Halldor O. Opedal var Heradstveit eit gamalt skilje mellom å-lyd og ao-lyd i Hardanger. Innanfor Heradstveit, mot Norheimsund og lenger inn i Hardanger, sa ein ao for å i ord som båt, blå og grå. Utanfor Heradstveit uttalte ein desse orda med å-lyd utan diftong. [3]

FotnotarEndra

  1. Heradstveit Herberge
  2. Heradstveit Sagbruk
  3. Opedal, Halldor O. (2005) Hardingmålet. Ord og vendingar og stil. Ny og auka utgåve ved Oddmund Hus.