Hestmona

Hestmona er ei øy i Lurøy og Rødøy kommune i Nordland fylke. Ho er 13,6 km² stor, og det bur om lag 50 fastbuande på øya. Den nordlege halvdelen (Storselsøy) høyrer til Rødøy kommune, medan den sørlege halvdelen med garden Hestmona) høyrer til Lurøy kommune. Landskapet på øya er dominert av dei to fjella Hestmonkallen (571 moh.) og Ambota (318 moh.). Polarsirkelen kryssar den nordlege delen av øya.

Hestmona
Geografi
Stad	Helgeland
Koordinatar	66°32′26″N 12°50′22″E
Areal	13,6 km²
Høgaste punkt	Hestmannen (571 moh.)
Administrasjon
Land	Noreg
Fylke	Nordland
Demografi
Folketal	50
Folketettleik	3,7 /km²

Viktigaste næringsveg på Hestmona er landbruk. Den einaste skulen på øya er Hestmannøy skule, som for tida er under administrasjon av Selsøyvik skule.

Namnet

Øya er òg kalla Hestmannøya, ei forvansking av det opphavlege namnet, påverka mellom anna av segner om Nordlandsfjella der Hestmannen er ein sentral figur.

Anna

DS «Hestmanden» er kalla opp etter fjellet Hestmannen. Postadressa hit er 8197 STORSELSØY.

Referansar

Denne geografiartikkelen som har med Nordland å gjere, er ei spire. Du kan hjelpe Nynorsk Wikipedia gjennom å utvide han.