Hever Castle
51°11′6.5544″N 0°7′11.968″E / 51.185154000°N 0.11999111°E
| Hever Castle | |||
 | |||
 Hever Castle 51°11′13″N 0°06′50″E / 51.186944°N 0.113889°E | |||
|---|---|---|---|
Hever Castle er eit slott i landsbyen Hever i Kent sør i England. Det var sete for slekta Boleyn (opphavleg «Bullen») frå 1462 til 1539.[1] Den framtidige dronninga Anne Boleyn budde her i delar av oppveksten.
Historie
endreDen eldste delen av bygningen stammar frå 1270, og består av eit porthus og ei motte-and-bailey-borg. Denne bygningen tilhøyrde James Fiennes, 1. baron Saye and Sele.[2] I 1462 blei det bygd om til ein forskansa herregard i tudorstil av Geoffrey Boleyn, som var Lord Mayor of London. Restane av tømmerbygningen er enno synlege innanfor steinveggene. Den tredje byggjeperioden med omfattande reparasjon og renovering var på 1900-talet, då staden blei kjøpt av William Waldorf Astor.[3]
Barnebarnet til Geoffrey Boleyn, Thomas Boleyn, arva slottet i 1505. Han budde her med kona si lady Elizabeth Howard, og blei både fødd og gravlagd der. Den seinare engelske dronninga Anne Boleyn og syskena hennar Mary og George var her i delar av oppveksten.
I 1536 blei Anne og George Boleyn avretta, og då faren døydde i 1539 gjekk slottet til krona. Kong Henrik VIII gav det til Anna av Kleve då han blei skild frå henne i 1540, men det ser ikkje ut til at ho var der så mykje.
Slottet har sidan hatt fleire eigarar. Blant anna er Waldegravefamilien nemnd i 1557, og Meade Waldo-familien frå 1749 til 1903. I sistnemnde periode forfall slottet stadig meir, og eigarane byrja å leiga det ut.[4] I 1903 blei det kjøpt av den amerikanske millionæren William Waldorf Astor, som fekk det fullstendig restaurert og brukte det som familieresidens. [5] Han fekk også bygd ein tudorlandsby (også kalle «The Astor Wing»)[6] og fekk laga ein «Italian Garden» for å visa fram samliinga si av statuar og ornament.[7]
Slottet blei verna som Grade I den 10. september 1954; dette var etter at tudorlandsbyen var bygd.[8]
I 1983 selte Astor-familien slottet til Broadland Properties Limited, som er drive av familien Guthrie.[9] Eigedomen er no gjort om til konferansesenter. Slottet er ope for publikum, og er spesielt kjent for labyrintane i hageanlegget og for ei omfattande samling av torturinstrument.
Galleri
endre-
Hever Castle -
Hever Castle frå sida -
Vasslabyrinten -
Bru over vollgrava -
Ein av rosehagane -
Statue ved slottet -
Ein annan statue ved slottet -
Hus nær slottet -
Italian Garden -
Loggia med fontene -
Slottet i 2008
.JPG)
.JPG)
Kjelder
endre- ↑ Jenkins, Simon (2003). Discover Britain's historic houses. The Southeast. Pub. Reader's Digest. ISBN 0-276-44068-4. S. 43.
- ↑ «Fiennes Family - Fiennes Family Owners of Hever Castle». Hever Castle.
- ↑ «Castle». Hever Castle and Gardens. Hever Castle and Gardens.
- ↑ «Meade Waldo». Hever Castle. Henta 3. juni 2018.
- ↑ John Turner, ‘Astor, William Waldorf, first Viscount Astor (1848–1919)’, rev. Oxford Dictionary of National Biography, Oxford University Press, 2004;
- ↑ «Hever Castle History, tourist information, and nearby accommodation». Britain Express. Henta 5. juni 2021.
- ↑ Brown, Jane (1999). The English Garden Through the 20th Century. England: Garden Art Press. ISBN 1870673298.
- ↑ «Hever Castle». Historic England. Henta 5. september 2022. «List Entry Number: 1273465»
- ↑ «Guthrie». Hever Castle. Henta 3 June 2018.
- Denne artikkelen bygger på «Hever Castle» frå Wikipedia på bokmål, den 3. desember 2020.
- Denne artikkelen bygger på «Hever Castle» frå Wikipedia på engelsk, den 16. november 2022.
