Hilde Raastad
Hilde Raastad (fødd i 1960) er den første opne lesbiske presten i Noreg. I 2013 bad Raastad biskopen i Oslo om å bli løyst frå ordinasjonsløftet i protest mot det ho opplevde som homofobe kyrkjeleiarar.
Raastad vaks opp på Nordberg i Oslo der ho var aktiv i ungdomsforeininga og speidararbeidet i Nordberg kyrkjelyd. Ho tok presteutdanninga si i USA og Noreg.
Raastad vart ordinert som prest i 1995 av Rosemarie Köhn, og ho vart med det den første lesbiske presten i Noreg som var open om legninga si. Raastad inngjekk partnarskap med sambuaren sin same år.[1] Sidan jobba ho for aksept og likeverd i den Norske kyrkja, men bad i 2013 dåverande biskop Ole Christian Kvarme om å bli løyst frå ordinasjonsløftet på bakgrunn av det ho opplevde som homofobe haldningar og meiningar frå biskopen som åndeleg leiar.[2] Raastad protesterte mot at kyrkja som organisasjon ikkje anerkjende hennar val av livspartner og at dette var avgjerande for tilsetjing i kyrkja.[3] På denne tida hadde Oslo bispedømeråd pålagd alle kyrkjelydane sine å ha med formuleringa «samlivsform kan bli vektlagt» i alle annonsar der det vart utlyst prestestillingar.[2] Bispedømerådet hadde i 2004 og 2005 sagt nei til å tilsetje Raastad som vikarprest i Lofoten prosti på bakgrunn av at Raastad levde i eit homofilt partnarskap.[4]
Etter at ho hadde vorte løyst frå ordinasjonsløftet sitt gav Raastad i 2015 ut boka Rosa skjerf og nyfallen snø, ein delvis sjølvbiografisk roman om lesbisk kjærleik og kampen for ei open kyrkje.[5] Raastad har vore med i Åpen Kirkegruppe for lesbiske og homofile sidan 1990, og ho er aktiv i Europeisk forum for LHBT Christian Groups.[6]
Kjelder endre
- ↑ Engesbak, Reidar (11. april 2013). «– Nå skal jeg leve». blikk.no (på norsk). Henta 15. november 2021.
- ↑ 2,0 2,1 «Norges første lesbiske prest går av i protest mot Oslos biskop». www.aftenposten.no (på norsk bokmål). Henta 15. november 2021.
- ↑ undefined, undefined (17. april 2013). «Takk, Hilde Raastad!». dagbladet.no (på norsk). Henta 15. november 2021.
- ↑ «Tredje bispedømme med homoprester». www.bt.no (på norsk bokmål). Henta 15. november 2021.
- ↑ Haga, Kristin Tufte (24. november 2015). «Presten som tar et rått oppgjør med Kirken». Nordre Aker Budstikke (på norsk). Arkivert frå originalen 15. november 2021. Henta 15. november 2021.
- ↑ «Hilde Raastad (født 1960)». Skeivt arkiv. 3. august 2018. Henta 15. november 2021.
- Denne artikkelen bygger på «Hilde Raastad» frå Wikipedia på bokmål, den 20. april 2022.