Horst-Dieter Höttges

Horst-Dieter Höttges
	Horst Dieter Höttges på eit klistremerke i 1971.
Personleg informasjon
Fullt namn	Horst-Dieter Höttges
Fødselsdato	10. september 1943 (81 år)
Fødestad	Mönchengladbach i Tyskland
Høgd	176 cm
Posisjon	Venstreback
Seniorkarriere*
Landslag
	* Seniorklubbkampar og mål berre telt for nasjonal liga

Horst-Dieter Höttges (10. september 1943–22. juni 2023) var ein tysk fotballspelar frå Mönchengladbach som spelte VM-finalen 1966 og EM-finalen 1972, to kampar som enda med høvesvis vesttysk tap i 1966 og siger i 1972. Han var elles med i troppane til VM 1970 og 1974.

Karriere

Klubbspel

Höttges spelte 1963/64-sesongen på Borussia Mönchengladbach i ein regional serie. Frå 1964 til 1978 var han høgreback i Werder Bremen. I Höttges fyrste sesong på Werder lukkast klubben vinne sitt aller fyrste ligagull. Tre år seinare vart Werder nummer to i Bundesliga. Til saman spelte Höttges 420 bundesligakampar og skåra 55 mål.

Landslagsspel

Höttges debuterte på det vesttyske landslaget i mars 1965. Han spelte sin 18. landskamp då Vest-Tyskland tapte VM-finalen 1966 2-4 mot arrangørlandet England. Den 21. mai 1969 i Essen la han på til 10-0 i ein VM-kvalifiseringskamp mot Kypros, hans einaste landslagsmål. Under VM 1970 i Mexico deltok han i dei fire fyrste kampane til Vest-Tyskland, men ikkje den høgdramatiske semifinalen mot Italia. To år seinare var han på plass då Vest-Tyskland vann fotball-EM 1972 med overbevisande 3-0 mot Sovjetunionen i finalen. Då VM i fotball 1974 fann stad i heimlandet fekk han eit innhopp i kampen mellom Vest-Tyskland og Aust-Tyskland, eit oppgjer som enda med austtysk siger 1-0. Det var 66. og siste gongen Höttges var aktiv i den vesttyske landslagsdrakta.

Merittar

Verdsmeister: 1974 med Vest-Tyskland
Europameister: 1972 med Vest-Tyskland
VM-sølv: 1966 med Vest-Tyskland
VM-bronse: 1970 med Vest-Tyskland
Vesttysk seriemeister: 1965 med Werder Bremen

Kjelder

Denne artikkelen bygger på «Horst-Dieter Höttges» frå Wikipedia på tysk, den 15. juni 2017.