Hulda Grønneberg
Hulda Tegnér Grønneberg (15. mars 1844–7. mai 1924) var ein norsk kunstmålar.[1]
| Hulda Grønneberg | |
| Statsborgarskap | Noreg |
| Fødd | 15. mars 1844 Christiania |
| Død |
7. mai 1924 (80 år) |
| Yrke | kunstmålar |
| Sjanger | landskapsmåleri |
| Hulda Grønneberg på Commons | |
Grønneberg var fødd i Christiania som dotter av Fedor Ferdinand Tegnér (1817–1902) og Anne Marie, fødd Steffensen (1815–1897). Ho blei gift i 1865 med kjøpmannen Julius Fredrik Grønneberg (1836–1920). Ekteskapet blei seinare oppløyst (etter 1875). Sonen Harald Grønneberg blei også målar.[1] Hulda Grønneberg var kusine av den danske teiknaren og bokkunstnaren Hans Tegner (1853–1932).
Grønneberg var utdanna ved målarskulen til Knud Bergslien og gjekk i lære hjå Hermine Biedermann-Arentz. Ho var særleg aktiv på 1880-talet og dreiv mest med landskapsmåleri med motiv frå Noreg og utlandet.[1] Verka har «frisk detaljrik realisme» med impulsar frå fransk friluftsmåleri.[1] Frå 1890-åra var stilen blitt meir romantisk.[1] I 1893 forsvarte ho offentleg populær, «vakker» kunst, til motsats frå den naturalistiske tilnærminga.[1]
Grønneberg var blant dei få kvinnelege landskapsmålarane på den tida. Ho bidrog med verk til Verdsutstillinga i Paris i 1889.[2] I 1886 stilte ho ut Fra Walles have i Sandvigen på Haustutstillinga.[3]
Kjelder
endre- ↑ 1,0 1,1 1,2 1,3 1,4 1,5 Wichstrøm, Anne (20. februar 2017). «Hulda Tegnér Grønneberg». Norsk kunstnerleksikon (på norsk bokmål). Henta 15. oktober 2020.
- ↑ Wichstrøm, Anne (1983). Kvinner ved staffeliet: kvinnelige malere i Norge før 1900. Universitetsforlaget. ISBN 8200066444.
- ↑ Høstutstillingen gjennem de første 25 år: 1882-1907 : 5. sept.-2. okt 1932. 1932.
- Denne artikkelen bygger på «Hulda Grønneberg» frå Wikipedia på bokmål, den 1. mai 2024.