Hulda i Israel
Hulda (hebraisk skrift חֻלְדָּה) er ein kibbutz sentralt i Israel. Han ligg i Shephelah nær Huldaskogen og Burmavegen og høyrer til Gezer regionale kommune. I 2006 hadde han eit folketal på 332.[2] Kibbutzen er kalla opp etter den palestinske landsbyen Khulda, som låg i nærleiken fram til den arabisk-israelske krigen i 1948.[2]
| kibbutz Hulda | |||
| landsby | |||
 | |||
| Land |  Israel
| ||
|---|---|---|---|
| Region | Shephelah | ||
| Distrikt | Sentral | ||
| Kommune | Gezer | ||
| Koordinatar | 31°49′56.28″N 34°53′0.24″E / 31.8323000°N 34.8834000°E | ||
| Folketal | 1 169 (2021)[1] | ||
| Grunnlagd | 1930 | ||
| • Grunnlagd av | Gordonia-medlemmar | ||
| Tilhøyrsle | Kibbutzrørsla | ||
 Hulda i Israel 31°49′56″N 34°53′00″E / 31.8323°N 34.8834°E | |||
  Kart som viser Hulda i Israel.
| |||
| Wikimedia Commons: Hulda, Israel | |||
Historie
endre
I 1905 kjøpte Anglo Palestine Bank 2000 mål med land frå Saidun-stamma for ein jødisk busetnad nær Jaffa–Jerusalem-banen. Landområdet vart overført til Jewish National Fund som igjen gav det vidare til Eretz Israel Office. I 1909 vart Hulda gard grunnlagd og ein ein bygning (i dag Herzl-huset) vart bygd for å huse styraren av garden og seinare grupper av pionerar som fekk opplæring der før dei grunnla Ein Harod, Kfar Yehezkel, Ginegar og andre kibbutzim.[3]
Under Palestinaopprøra i 1929 vart garden angripen og øydelagd. Britiske styrkar gav ordre om å evakuere nybyggjarane, men hindra dei i å ta med seg liket av Efraim Chizik, sjefen for Haganah som omkom i slaget.[4] I 1931 slo ei pionergruppe frå Gordonia seg ned i Hulda. Garden leid under fleire åtak under arabararopprøret i Palestina i 1936–1939.[3]
Under den israelske sjølvstendekrigen i 1948 tente garden som hovudkvarter for Yiftach-brigaden til Palmach og som base for konvoiar som førte forsyningar til Jerusalem.[2][5]
Kibbutzen vart utgangsposisjonen til jødiske konvoiar som prøvde å bryte gjennom den arabiske kringsetjinga av Jerusalem. 230 konvoiar sette ut for å bringe forsyningar til Jerusalem.[6]
Tidleg i 1980-åra budde det 220 menneske her, men økonomiske vanskar førte til at mange familiar flytta, og berre halvparten vart verande att. Kibbutzen er sidan blitt privatisert.[7]
Økonomi
endreHulda vingard, som dekkjer over 1 200 mål, er den største enkle vingarden i Israel.[8]
Kjelder
endre- Denne artikkelen bygger på «Hulda, Israel» frå Wikipedia på engelsk, den 26. juli 2015.
- Wikipedia på engelsk oppgav desse kjeldene:
- ↑ 1,0 1,1 1,2 1,3 https://www.cbs.gov.il/he/publications/doclib/2019/ishuvim/bycode2021.xlsx.
- ↑ 2,0 2,1 2,2 Mapa's concise gazetteer of Israel. Yuval Elʻazari (ed.). Tel-Aviv: Mapa Publishing. 2005. s. 174. ISBN 965-7184-34-7. (he)
- ↑ 3,0 3,1 Herzl never lived here, arkivert frå originalen 19. oktober 2015, henta 26. juli 2015
- ↑ The First Forest, arkivert frå originalen 10. april 2016, henta 26. juli 2015
- ↑ Shabtai Teveth (1996) Ben Gurion's Spy Columbia University Press ISBN 0-231-10464-2 s. 19-20
- ↑ The Convoy Skeletons, arkivert frå originalen 21. september 2013, henta 26. juli 2015
- ↑ With interest waning, kibbutzim adopt new approach to survive
- ↑ About Barkan Winery