Hundvåko

Hundvåko
Geografi
Stad	Austevoll
Koordinatar	60°07′12″N 05°08′40″E
Areal	10,7 km²
Høgaste punkt	61 moh.
Administrasjon
Land	Noreg
Fylke	Vestland

Hundvåko, òg kalla Hundvåkøy, er den tredje største øya i Austevoll kommune. Som dei fleste andre øyar ute mot kysten er kjenneteiknet nakne knausar, lyngheiar og litt skog. Øya er 10,7 kvadratkilometer og det bur kring 500 menneske der.

Næringsgrunnlaget kjem frå havet. Her er den tettaste konsentrasjonen av ringnotsnurparar i landet, i alt 12 fartøy. Elles er fiskeoppdrett ei viktig næring her som i resten av kommunen. Villsauen beitar ute heile året i lyngheiane. Sauerasen har overlevd i dette karrige landskapet sidan vikingtida.