Hunt Sales

	Hunt Sales
	;
Fødd	2. mars 1954 (70 år)
Opphav	USA
Verka som	trommeslagar, perkusjonist

Hunt Sales (fødd 2. mars 1954) er ein amerikansk trommeslagar, som i lag med broren Tony Sales har spelt med Todd Rundgren, Iggy Pop og Tin Machine med David Bowie.

Bakgrunn

Sales er son av tv-komikaren Soupy Sales (1926-2009) og Barbara Fox (1931– 2017). Han voks opp i Detroit i Michigan med den eldre broren Tony Sales (f. 1951).

Hunt spelte trommer i bandet til broren, Tony and the Tigers. Tony and The Tigers gav ut songen «Turn It on Girl», som blei ein mindre lokal hitt i Detroit. Gruppa var med to gonger på fjernsynsprogrammet Hullabaloo: 20. desember 1965, med Jerry Lewis som programleiar, og 4. april 1966 med faren Soupy Sales som programleiar.

Hunt og Tony arbeidde med artistar og grupper om Chequered Past, David Bowie, Iggy Pop, Todd Rundgren, Bob Welch, Andy Fraser frå Free, Harry Dean Stanton and The Cheap Dates, The Hunt Sales Memorial, Tin Machine (med Bowie), og andre frå 1989 til 1994.