Hurtigrutemuseet
68°34′13″N 014°54′38″E / 68.57028°N 14.91056°E
| Hurtigrutemuseet | |||
 Hurtigrutens Hus, der Hurtigrutemuseet har lokale. | |||
| Stad | Hadsel | ||
|---|---|---|---|
| Skipa | 1993 | ||
 Hurtigrutemuseet 68°33′56″N 14°54′47″E / 68.56555556°N 14.91305556°E | |||
Hurtigrutemuseet er eit museum på Nordnes (Richard Withs plass) i Stokmarknes i Nordland fylke, drive av stiftinga Hurtigrutemuseets forening. Museet har som sitt fremste utstillingsobjekt det komplette hurtigruteskipet MS «Finnmarken», bygd i 1956 og eigd av Vesteraalens Dampskibsselskab (VDS). Skipet vart drege på land 16. juni 1999, og er seinare utstyrt med i ein vernebygning.
Museet vart opna 2. juli 1993 av dåverande samferdsleminister Kjell Opseth. Opninga gjekk føre seg på hundreårsdagen for den fyrste seglinga med DS «Vesteraalen» frå Trondheim i den såkalla hurtigruta, ei rute med snøgge skip for frakt av passasjerar og gods mellom alle dei viktigaste kyststadane i Nord-Noreg og delar av Sør-Noreg.
Hurtigrutemuseet har utstillingar som gjer greie for soga til hurtigruta, og er dessutan eit informasjonssenter for kystkulturen. Det tek sikte på å vere ein faglig ressurs for skular, og for institusjonar og organisasjonar som driv med kulturvern. Opphavleg hadde museet tilhald i den gamle direktørbustaden til Vesteraalens Dampskibsselskab, men flytta i 1999 til nye lokale i Hurtigrutens Hus attmed hurtigrutekaia i Stokmarknes.
