Husevågøy

Husevågøy
Husevåg Foto: Svein-Magne Tunli
Geografi

Stad	Nordfjord
Koordinatar	61°54′35″ N 5°2′49″ EKoordinatar: 61°54′35″ N 5°2′49″ E
Areal	9,3 km²
Høgaste punkt	Krabbestighelda (330 moh.)
Administrasjon
Land	Noreg
Fylke	Vestland
Demografi
Folketal	74 (2001)
Folketettleik	8,0 /km²

Husevågøy er ei øy i Kinn kommune i Vestland. Øya ligg ytst i Nordfjord, mellom Bremangerlandet og øya Vågsøy og har eit areal på 9,3 km² og om lag 70 innbyggjarar. Den største busetnaden på staden er Husevåg med omlag 30 innbyggjarar. Det er ferjesamband med Måløy og Oldeide. Namnet kjem av gardsnamnet Husevåg. Det viser til bustadhus i vågen, og at andre vågar i nærleiken mangla dette.

Frå gamalt av var det ein enkel bygdeveg gjennom sjølve grenda Husevåg. I 1975 vart det bygd veg Ramsevik-Tytingvåg-Krabbestig. I 1989 vart det bygd veg over fjellet frå Husevåg til Ramsevik. Tanken var å halde fram med vegen heilt fram til ferjekaia ved Våganeset, men denne siste stubben kom ikkje før i 1992.