Vågsøy kommune
Vågsøy er ein tidlegare norsk kommune som låg nordvest i Nordfjord i Sogn og Fjordane fylke, sør for Stad. I 2020 vart han slått saman med Flora kommune til nye Kinn kommune. Vågsøy er òg namnet på den største øya i kommunen. Kommunesenteret er Måløy, som fekk bystatus i 1997 saman med bygdene Degnepoll og Holvik. Kommunen grensar til Bremanger i sør, Vanylven og Eid i aust og Selje i nord.
| Vågsøy kommune | |||
| kommune | |||
|
|||
| Land |  Noreg
| ||
|---|---|---|---|
| Fylke | Sogn og Fjordane | ||
| Adm.senter | Måløy | ||
| Areal | 177 km² | ||
| - land | 171 km² | ||
| - vatn | 6 km² | ||
| Målform | nynorsk | ||
| Ordførar | Kristin Maurstad (Ap) | ||
| Kommunenr. | 1439 | ||
 Vågsøy 61°55′16″N 5°11′37″E / 61.921111111111°N 5.1936111111111°E | |||
 | |||
| Wikimedia Commons: Vågsøy | |||
| Nettstad: www.vagsoy.kommune.no | |||
Kommunikasjon endre
Byen Måløy ligg ved Ulvesundet, og byen og øya er knytte til fastlandet med Måløybrua på 1224 meter over til Degnepoll. Etter 5 mil langs Riksveg 5 og Riksveg 15 til Nordfjordeid følgjer vegsambandet sør og nordover Europaveg 39 medan Riksveg 15 fortset austover om Stryn og møter Europaveg 6 ved Otta.
Hurtigruta går innom Måløy fast. Det er snøggbåtsamband nordover til Selje og sørover til Florø og Bergen.
Næring endre
Hovudnæringane er fiskeri, fiskeoppdrett og skipsverft. Det er meir enn 1 000 arbeidsplassar i fiskerinæringa på sjø og land, og her er eit av dei mest moderne fiskeindustrianlegga i Noreg. Kommunen er den største fiskerikommunen i landet når det gjeld landa kvantum i året (350 000 tonn (2002)). Målt i fyrstehandsverdi er han nr. 3 (etter Ålesund og Tromsø).
Kommunen i dag endre
Då formannskapslovene vart innførte i 1837 var Vågsøy og Selje ein kommune. Selje var både kyrkjestad og administrasjonssenter.
I 1900 vart Vågsøy skilt ut som eige kyrkjesokn og i 1910 vart òg kommunegrensene lagde om. Det vart oppretta to nye kommunar: Sør-Vågsøy og Nord-Vågsøy. Måløy vart administrasjonssenter for Sør-Vågsøy, Raudeberg i Nord-Vågsøy.
I 1965 vart dei to kommunane slått saman, kommunegrensene vart justerte noko og Måløy vart felles administrasjonssenter.
Bygdene Sørpoll, Osmundsvåg og Silda i nord er no ein del av Vågsøy. I sør er øyane Husevågøy og Gangsøy i Fåfjorden lagde til kommunen. I aust vart Bryggja og Maurstad delar av Vågsøy då Davik kommune vart nedlagt.
Tettstader endre
Store hendingar endre
Måløy var hovudhamn for Tall Ships’ Race i 2008.
Bakgrunnsstoff endre
- Vågsøy kommune Arkivert 2016-05-31 ved Wayback Machine.
- http://www.vivest.no/vaagsoy.html