Ihor Korobtsjynskyj

Ihor Oleksijovytsj Korobtsjynskyj (fødd 16. august 1969) er ein tidlegare turnar frå Luhansk i Ukraina som representerte Sovjetunionen og frå 1992 Ukraina. Han vann tre VM-gull i 1989, to i 1991 og eitt i 1992. Under Sommar-OL 1992 var han med å vinne gullmedaljen i lagtevlinga, saman med eit mannskap frå den oppløyste Sovjetunionen, mellom dei Vitalj Sjtsjerba og Hryhorij Misjutin.

Ihor Korobtsjynskyj
Statsborgarskap	Ukraina, Sovjetunionen
Fødd	16. august 1969 (55 år) Antratsyt
Idrett	turn
Tok del i	Sommar-OL 1996, Sommar-OL 1992
Utmerkingar	Idrettens mester i Sovjetunionen

Korobtsjynskyj fekk sin internasjonale meisterskapsdebut i Turn-VM 1989 i Stuttgart. Her gjekk han til topps i mangekampen og favorittøvinga frittståande, dessutan vann han gull i lagtevlinga for Sovjetunionen i lag med mellom andre Vladimir Artjomov. Ved Turn-VM 1991 i Indianapolis sanka han nye gullmedaljar i frittståande og i lagtevlinga, medan han fekk ein sølvmedalje i skranke.

OL-året 1992 vann Korobtsjynskyj sølv i hopp og bronse i svingstang i Paris-VM, månader seinare vart han i Barcelona olympisk meister i lagtevlinga og han sikra seg ein bronsemedalje i skranke-øvinga. Året etter vann han eitt VM-sølv i skranke då verdsmeisterskapen vart avvikla i Birmingham. Også i Turn-VM 1994 vann han ein medalje, då ein bronse i lagtevlinga for Ukraina. To år seinare gjentok Korobtsjynsky og dei ukrainske lagkameratane den prestasjonen under Sommar-OL i Atlanta.

Kjelder

• Denne artikkelen bygger på «Ihor Korobchynskyi» frå Wikipedia på engelsk, den 28. mars 2023.

• «Ihor Korobchinskyi» (på engelsk). Olympedia. Henta 10. april 2023.