Irma Ingertha Gram

Irma Ingertha Gram (21. desember 1873–22. november 1945) var ein norsk kulturhistorikar, forfattar og slektsforskar.

Irma Ingertha Gram
Statsborgarskap	Noreg
Fødd	21. desember 1873 Oslo
Død	22. november 1945 (71 år) Oslo
Yrke	kunsthistorikar, skribent, genealog
Medlem av	Norsk Kvinnesaksforening, Kristiania Læseforening for Kvinder
Ektefelle	Harald Mathias Gram
Born	Per Gram

Familie

Irma Ingertha Gram var dotter av Thomas Andreas Schram (1835–1890) og Mathilde Just (1850–1901). Ho var syster av forretningsmannen Jacob Schram og legen Thomas Schram, og dermed svigerinne av forfattaren og enomsetjar Constance Wiel Schram (1890-1955). Ho vart gift i Kristiania den 13. september 1907 med legen og embetsmannen Harald Mathias «Mads» Gram (1875-1929) frå slekta Gram. Han var son av Jens Gram og dotterson av historikaren P.A. Munch. Ho var mor til advokat Peder «Per» Gram, som vart gift med alpinisten Johanne «Hannemor» Dybwad (1918-2011), sønedotter av skodespelaren Johanne Dybwad (1867–1950) og forleggjaren Vilhelm Dybwad (1863–1950).

Liv og virke

Irma Ingertha Gram var i perioden 1903-1907 tilsett som assistent ved Norsk Folkemuseum. Frå 1921 var ho styremedlem i Kristiania Læseforening for Kvinder.

Forfattarskapen hennar gjekk for det føre seg 1920-åra, då ho skreiv fleire kulturhistoriske bøker og biografiar.

Bibliografi

• 1921: De gamle kniplingers historie, Aschehoug
• 1924: Dronning Christina av Sverige, Aschehoug
• 1925: Frants den første og hans hof, Aschehoug
• 1927: Catharina av Medici, Aschehoug
• 1929: Litt om skikk og bruk før og nu, Aschehoug
• 1931: Paris for første gang, Aschehoug
• 1945: Slektsminner – den norske gren av familien Schram, trykket i 1979

Kjelder

• Denne artikkelen bygger på «Irma Ingertha Gram» frå Wikipedia på bokmål, den 16. november 2021.
• Wikipedia på bokmål oppgav desse kjeldene:
• Dette skrev kvinner. Skolen. 1984. s. 83. ISBN 8257900109.