Opna hovudmenyen

Isabell Herlovsen

norsk fotballspelar

Isabell Lehn Herlovsen (fødd 23. juni 1988) er ein norsk fotballspelar, fødd i Mönchengladbach, som har spelt på LSK sidan 2011. Tidlegare spelte ho på Kolbotn IL frå 2004. I perioden 2005-15 har midtspissen aksla den norske landslagstrøya 108 gongar og skåra 45 mål. Ho vann EM-sølv i 2005. Den norske tidlegare landslagsspelaren Kai Erik Herlovsen er far hennar.

Isabell Herlovsen

Isabell Herlovsen2.jpg

Statsborgarskap Noreg
Fødd 23. juni 1988
Mönchengladbach
Idrett fotball
Yrke fotballspelar

AktivEndra

KlubbspelEndra

Herlovsen spelte seg til fast plass i Kolbotn-angrepet allereie i 2004, 16 år gammal. Her vart ho seriemeister i 2005 og 2006, samt cupmeister i 2007. Hausten 2006 var ho med då laget tok seg til semifinalane i Meisterligaen.

Hausten 2009 fekk ho kontrakt med franske Olympique Lyon. Ho var innbytar for Lyon i Meisterliga-finalen 2010, ein kamp som enda med tap etter at mellom andre Herlovsen ikkje fekk mål i straffeskytinga som fylgde 120 minuttars spel.

Opphaldet i Frankrike var lite vellukka, og vinteren 2011 melde ho seg inn norske LSK. Med klubben, som held til på Lillestrøm, vart ho seriemeister i 2012, 2014 og 2015. Både i 2014 og 2015 vann LSK også cupfinalen. Herlovsen vart kåra til årets spelar 2014.

LandslagsspelEndra

Herlovsen debuterte på landslaget som 16-åring. Ho utmerkte seg i fleire kampar då Noreg i juni 2005 spelte seg fram til finalen i EM i fotball 2005. I sjølve finalen kom ho inn som innbytar i andre omgang, få minuttar før Tyskland la på til sluttresultatet 3-1. Også under VM i fotball 2007 og Sommar-OL 2008 fekk ho godt med speletid.

I EM i fotball 2009 tapte Noreg semifinalen 1-3 mot europameister Tyskland, etter at Herlovsen gav Noreg leiinga. Ho deltok i fotball-VM 2011 og 2015, medan skade heldt henne utanfor EM i fotball 2013.

MerittarEndra

  • Seriemeister i Noreg: 2005 og 2006 med Kolbotn
  • Noregsmeister: 2007 med Kolbotn
  • Fransk seriemeister: 2010 med Olympique Lyon
  • Seriemeister i Noreg: 2012, 2014 og 2015 med LSK
  • Noregsmeister: 2014 og 2015 med LSK
  • Sølvmedalje i meisterligaen: 2010 med Olympique Lyon

KjelderEndra