Isle Martin
Isle Martin er ei folketom øy i Loch Broom på vestkysten av Skottland. Ho er den av øyane i Summer Isles som ligg nærast Ullapool. Det har stått eit kloster, sildefiskeri og ei mølle på øya. I dag er øya eit fuglereservat.
| Isle Martin Lokalt namn Eilean Mhàrtainn | |
|---|---|
| Geografi | |
  | |
| Stad | Atlanterhavet |
| Koordinatar | 57°56′42″N 5°13′30″W / 57.945°N 5.225°W |
| Øygruppe | Summer Isles
|
| Areal | 1,57 km²
|
| Høgaste punkt | 120 moh. |
| Administrasjon | |
| Land | Skottland |
| Region | Highland
|
| Demografi | |
| Folketal | 0
|
Historie
endre
St. Martin, som øya er kalla opp etter, skal ha grunnlagd eit kloster på øya rundt år 300-400 e.Kr. Det står ein stein med ein latinsk trippelkross frå 400-700 e.Kr. på øya, som truleg er knytt til den keltiske kyrkja. Her finst òg eit kapell frå tida etter reformasjonen og ruinane av ei gammal gate med hus og ein gammal skule. Det finst andre hus og eit nyare skulebygg nær kaien.[1]
Jordbruk og fiske var hovudnæringa på øya. Ho var eit senter for fiskehadnel med eit fiserki, før Ullapool vart grunnlagd. Øya vart delt inn i husmannsplassar i 1831 og denne praksisen heldt fram til 1960-åra. Ho vart hovudsakleg nytta til oppdrett av kveg og sau, og berre eit lite område sør på øya kunne nyttast til dyrking.[2]
Det var ei mølle i drift på øya mellom 1939 og 1948. Dei fleste av arbeidarane her pendla frå fastlandet, men nokre hus vart bygde på denne tida. Kveite vart ført attende til Ullapool og frå der ført vidare til bakeri i Nord-Skottland. Mølla vart lagt ned i 1948.[3]
I 1960-åra vart øya kjøpt av Monica Goldsmith. Ho gjorde fleire utbetringar, som å legge vatn og straum til øya, og i 1969 vart alle sauar fjerna. I 1980 gav ho øya til Royal Society for the Protection of Birds (RSPB) for at øya skulle bevarast.
Kjelder
endre- Denne artikkelen bygger på «Isle Martin» frå Wikipedia på engelsk, den 24. februar 2010.
- Wikipedia på engelsk oppgav desse kjeldene:
- ↑ «Isle Martin encompasses history of Highlands». Ross-shire Journal. 25. august 2006. Arkivert frå originalen 16. desember 2007. Henta 24. februar 2010.
- ↑ «Isle Martin Trust». Henta 24. februar 2010.
- ↑ Roy Osborne. «The Isle Martin Trust». Caledonia Centre for Social Development. Henta 24. februar 2010.