Isobar prosess

Ein isobar prosesss er ein termodynamisk prosess der trykket er konstant, $\Delta P=0$. Varmen som blir overført til systemet gjer eit arbeid, men endrar òg den indre energien til systemet:

Det gule området er arbeidet som er gjort

$Q=\Delta U+W\,$

ifølgje termodynamikken si første lov der W er arbeidet gjort av systemet, U er indre energi, og Q er varme. Trykk-volum arbeid (av systemet) er definert som:

$W=P\Delta V\,$

men sidan trykket er konstant betyr dette at

$W=\Delta (P\,V)$.

Ved å bruke den ideelle gasslova får vi

$W=n\,R\,\Delta T$

når mengda av gass er konstant (til dømes ved at det ikkje skjer faseendringar). Sidan det generelt er slik at

$\Delta U=n\,c_{V}\,\Delta T$

så kan ein sette dei to siste likningane inn i den første likninga:

$Q=n\,c_{V}\,\Delta T+n\,R\,\Delta T$

$=n\,(c_{V}+R)\,\Delta T$.

Storleiken i parentes er den spesifikke varmen ved konstant trykk:

$c_{p}=c_{V}+R$

og visst gassen likninga gjeld for er einatomisk er $c_{V}={\frac {3}{2}}R$ og $c_{p}={\frac {5}{2}}R$.

Entalpi

Ein isokor prosess er skildra som $Q=\Delta U$. Ein kan få ei liknande likning for isobare prosessar. Om ein set inn den andre likninga i den første får ein

$Q=\Delta U+\Delta (P\,V)=\Delta (U+P\,V)$

Storleiken U + P V er ein tilstandsfunksjon kalla entalpi, og blir uttrykt som H. Derfor kan ein skildre ein isobar prosess som

$Q=\Delta H\,$.

Sjå òg

• Adibatisk prosess
• Syklisk prosess
• Isokor prosess
• Isoterm prosess
• Polytropisk prosess
• Isoentalpisk prosess