Izvorul Muntelui

Izvorul Muntelui, òg kalla Bicazsjøen, er den største kunstige innsjøen i Romania og vart oppretta etter ei demning vart bygd over elva Bistrița. Demninga ligg eit par kilometer nord for byen Bicaz.

Izvorul Muntelui
innsjø
Innsjøen og Bicazdammen
Land	Romania
Innsjøtype	Kunstig innsjø
Tilsig	Bistrița
Utløp	Bistrița
Lengd	40 km
Areal	33 km²
Volum	1 250 millionar m³
Koordinatar	47.01959°N 26.05408°E / 47.01959; 26.05408
Byar	Bicaz, Potoci
Izvorul Muntelui 47.019588888889°N 26.054080555556°E / 47.019588888889; 26.054080555556
Wikimedia Commons: Bicaz Lake

Demninga vart bygd mellom 1950 og 1960 og vert nytta til å produsere vasskraft ved Bicaz-Stejaru vasskraftverk. Ho har ei høgd på 127 meter og er 435 meter lang og 119 meter brei på det breiaste. Innsjøen har ei lengd på 40 km og eit areal på 33 km². Det største volumet i innsjøen er 1250 millionar m³.

Innsjøen er ein populær turistdestinasjon i området, særleg om sommaren då turistar kan ta båt frå hamna i Bicaz og ein rundtur på innsjøen med flott utsyn til fjellet Ceahlău på vestsida.

I 1960- og 1970-åra var det fast ferjesamband mellom hamna i Bicaz og landsbyar langs breidda.

Ved Potoci, eit par kilometer nord for Bicaz, er det ein biologisk forskingsstasjon utstyrt med undervassbåt. Stasjonen vart vitja av marinbiologen Jacques-Yves Cousteau i 1984.

Kjelder

• Denne artikkelen bygger på «Lake Izvorul Muntelui» frå Wikipedia på engelsk, den 1. juli 2008.

Fotnotar