Ján Čapkovič

Ján Čapkovič (fødd 1. november 1948) er ein slovakisk tidlegare fotballspelar frå Bratislava som i 1969 var med om å vinne cupvinnarcupen i fotball med Slovan Bratislava. Angrepsspelaren deltok i 20 landskampar for Tsjekkoslovakia. Også tvillingbroren Jozef Čapkovič spelte landskampar for Tsjekkoslovakia.

Ján Čapkovič
Statsborgarskap	Tsjekkoslovakia, Slovakia
Fødd	11. januar 1948 (76 år) Bratislava
Idrett	fotball
Tok del i	VM i fotball 1970

Klubbspel

Ján Čapkovič spelte på Slovan Bratislava frå 1967 til -77. Laget vann den tsjekkoslovakiske cupen i 1968 og tok seg sesongen etter heilt til finalen i den europeiske cupvinnarcupen. På St. Jakob-stadion i Basel den 21. mai 1969 skåra Čapkovič lagets tredje mål då Slovan vann 3-2 mot FC Barcelona i ein underhaldande kamp. Dei komande åra frå 1970 til 1975 sanka Čapkovič og Slovan Bratislava fire tsjekkoslovakiske meistertitlar og triumferte i tre slovakiske cupturneringar. Tida 1977-83 var Čapkovič aktiv på ČH Bratislava.

Landslagsspel

Čapkovič spelte 20 landskampar i åra frå 1968 til 1974, skåra seks mål. I oktober 1968 var han med i det mannskapet Tsjekkoslovakia brukte under Sommar-OL 1968 i Mexico. Han deltok i den siste VM-kampen til Tsjekkoslovakia i VM i fotball 1970.

Merittar

• Vinnar av cupvinnarcupen: 1969 med Slovan Bratislava
• Tsjekkoslovakisk seriemeister: 1970, 1974, 1975 med Slovan Bratislava
• Tsjekkoslovakisk cupmeister: 1968 og 1974 med Slovan Bratislava
• Slovakisk cupmeister: 1970, 1972, 1974 med Slovan Bratislava

Kjelder

• Denne artikkelen bygger på «Ján Čapkovič» frå Wikipedia på tysk, den 1. oktober 2018.

• eu-football