Jaakko Tallus
Jaakko Tapio Tallus (fødd 23. februar 1981) er ein finsk tidlegare kombinertrennar frå Lieksa som i perioden 2001-07 vann eitt individuelt OL-sølv i 2002 og fem medaljar i lagtevlinga med Finland, der i mellom OL-gull i 2002 og VM-gull i 2007.
| Jaakko Tallus | |
|
| |
| Statsborgarskap | Finland |
| Fødd | 23. februar 1981 (43 år) Lieksa |
| Idrett | kombinert |
| Tok del i |
Vinter-OL 2010, Nordic combined at the 2002 Winter Olympics – individual, Nordic combined at the 2002 Winter Olympics – team, Nordic combined at the 2006 Winter Olympics – team |
Aktiv endre
Tallus vart nummer to i eit verdscuprenn i Schonach 3. januar 1999, knapt 18 år gammal. Både i 2000- og 2002-sesongen kopierte han plasseringa i verdscuptevlingar, men lukkast aldri gå til topps på sigerspallen individuelt.
Derimot bidrog han til finske triumfar i lagtevlingar. Saman med Jari Mantila, Samppa Lajunen og Hannu Manninen tok han bronsen i Ski-VM 2001, vinteren etter vann den same kvartetten lagtevlinga under vinterleikane i Salt Lake City. I dei same leikane tok Tallus sølvmedalja i normalprogrammet og vart nummer fire i halvprogrammet, landsmannen Lajunen vann begge øvingane.
Både i Ski-VM 2003 i Val di Fiemme og Vinter-OL 2006 fekk Tallus og Finland bronsemedaljar i lagtevlinga. I begge dei individuelle OL-tevlingane vart han femtemann, på normalprogrammet tapte han kampen om bronsemedalja i innspurten.
I Ski-VM 2007 i Sapporo deltok Tallus saman med Anssi Koivuranta, Janne Ryynänen og Hannu Manninen på det finske laget som vann ein klar siger i lagtevlinga. Han la opp etter OL-sesongen 2010.
Kjelder endre
- Denne artikkelen bygger på «Jaakko Tallus» frå Wikipedia på tysk, den 26. februar 2016.
Bakgrunnsstoff endre
- «Jaakko Tallus». olympedia.org. Henta 27. oktober 2022.