Jacobs Douwe Egberts Norge
Jacobs Douwe Egberts Norge (JDE) er frå 2015 namnet på det tidlegare Kaffehuset Friele og House of Coffee i Bergen etter at dette selskapet vart seld av dei lokale eigarane. Firmaet har lange tradisjonar i Bergen, og har arbeidd seg opp til å verte ein viktig fabrikant og grossist av kaffi på den norske marknaden, med eit moderne kaffibrenneri på Midtun i Fana i Bergen.
| Jacobs Douwe Egberts Norge | |||
 | |||
.jpg) | |||
| Bransje | Kaffi | ||
|---|---|---|---|
| Skipa | 1799 | ||
| Hovudkontor | Bergen | ||
| Land | Noreg | ||
| Nettstad | https://friele.no (norsk) | ||
Soge
endreKaffehuset Friele har sine røter attende til 1799, då skipskaptein Herman Friele gjekk i land i Bergen for å satse på handelsverksemd. I røynda var det kona hans som var den drivande krafta i ein butikk som vart etablert i sentrum av Bergen. Frå å importere ulike varer som vart selde i denne butikken, utvikla verksemda seg gjennom fleire generasjonar av den same familien til å verte ein leiande importør av råkaffi og drivar av eit kaffebrenneri som fram til midt på 1980-talet selde kaffi som ein velkjend merkevare framfor alt på Vestlandet og i Nord-Noreg, seinare over heile landet.
