Jan Rodvang

Jan Sverre Rodvang (24. desember 1939–6. november 2020) var ein norsk fotballspelar som vart seriemeister 1964 og 1968, og noregsmeister 1967 og 1968, med oslolaget Lyn. Han var høgreback på det norske landslaget i 6 kampar i 1968-69.

Jan Rodvang

Fødd	24. desember 1939
Død	6. november 2020

Karriere

Klubbspel

Rodvang var sideback på Asker SK i åra fram til 1962. Frå 1963 til 1974 var han sideback på topplaget Lyn i Oslo, eit fotballag som hadde si stordomstid i 1960-åra. Han var med om å vinne seriemeisterskapen i 1964, klubben sin fyrste fotballtriumf noko gong. Sesongane 1966 til -68 spelte Lyn seg fram til finale i NM-cupen, dei to siste åra vann laget kongepokalen etter finalesigrar mot høvesvis Rosenborg BK og Mjøndalen IF. Hausten 1968 feira Lyn dobbeltriumf då det også vart siger i den nasjonale serien. Året 1968 vart avslutta med tap i kvartfinalane i Cupvinnarcupen mot FC Barcelona, begge oppgjera vart spelt i Spania og enda 2-2 og 2-3. I 1970 spelte Rodvang sin fjerde NM-finale, ein kamp Strømsgodset IF vann 4-2. Rodvang skåra eitt einast seriemål gjennom sine 12 seongar i Lyn.

Landslagsspel

Rodvang spelte fem landskampar for Noreg i 1968 og ein i 1969. Den 6. november 1968 var han på plass då Noreg sensjonelt slo Frankrike 1-0 i ein VM-kvalifiseringskamp i Strasbourg, etter ei skåring av Odd Iversen midtvegs i den 2. omgangen.

Kjelder

• Denne artikkelen bygger på «Jan Rodvang» frå Wikipedia på italiensk, den 31. oktober 2018.
• eu-football