Janove Ottesen

Janove Ottesen (fødd Jan Ove Ottesen, 27. august 1975 på Stord) er ein norsk musikar som er vokalist og frontfigur i det norske rockebandet Kaizers Orchestra. I 2004 gav han ut den første solo-plata si, Francis’ Lonely Nights.

Janove Ottesen
Fødd	1975 (48 år)
Fødestad	Stord
Fødenamn	Jan Ove Ottesen
Opphav	Noreg
Aktiv	2000–
Sjanger	rock
Instrument	gitar, vokal
Verka som	musikar, fotballspelar, songar, gitarist

Kaizers Orchestra under ein konsert i København i 2005, Janove Ottesen i midten.

Liv og virke

Ottesen er, saman med Geir Zahl, ein av grunnleggjarane av Kaizers. «Kaizer-namnet» hans er «Sjakalen», eller «the Jackal Kaizer». Ottesen og Zahl vann Edvard-prisen 2002 for debutplata til Kaizers: Ompa til du dør.

Han har gått på musikklærarutdanninga på Lærarhøgskulen i Bergen på Landås. Det var under studietida i Bergen han kjøpte eit trøorgel og starta Kaizers Orchestra.

Han heitte opphavleg Jan Ove Ottesen, men bytte namn til Janove Ottesen.

I 2012 fekk han Rogaland mållags målpris.

I dag er han gift og har to born.

Diskografi

• Francis' Lonely Nights (2004)

Kjelder

Denne musikkartikkelen er ei spire. Du kan hjelpe Nynorsk Wikipedia gjennom å utvide han.