Stord
- For andre tydingar av oppslagsordet, sjå Stord kommune.
| Stord | |
|---|---|
 Fitjarøyane med øya Stord i bakgrunnen. Sett frå vest. | |
| Geografi | |
| |
| Stad | Sunnhordland |
| Koordinatar | Koordinatar:
|
| Areal | 241 km² |
| Lengd | 27 km |
| Breidd | 13 km
|
| Høgaste punkt | Mehammarsåto (749 moh.)
|
| Administrasjon | |
| Land | Noreg |
| Fylke | Vestland |
| Største busetnad | Leirvik (14 085 innb.)
|
| Demografi | |
| Folketal | ca. 22 010 |
| Folketettleik | 91 /km² |
Stord er ei øy i Vestland, om lag midtvegs mellom Bergen og Haugesund. Øya har ei flatevidd på 241 km² og er delt mellom kommunane Fitjar i nord og Stord i sør. Øya ligg nord for Bømlafjorden og er den nest største øya i Hordaland. Stord kommune utgjer 127 km² av øya, medan Fitjar kommune utgjer 117 km².
Det høgaste punktet på øya er Mehammarsåto på 749 meter over havet. Eit meir kjend fjell er kanskje Kattnakken på 734 meter over havet som har eit tårn med TV-sendar.
Stord Lufthamn Sørstokken er ein kortbaneflyplass som ligg på vestsida av øya og vert brukt av heile Sunnhordland. Sidan 2000 har Stord hatt vegsamband med fastlandet gjennom Trekantsambandet. På nordsida av øya går det ferjesamband frå Sandvikvåg til Halhjem i Os og på austsida frå Jektevik til Tysnes.
Tilsaman er det rett over 22 000 innbyggjarar på øya, fordelt med 18 821 i Stord kommune og 3 189 i Fitjar kommune