Jean-Léon Gérôme

Jean-Léon Gérôme (11. mai 1824–10. januar 1904) var ein fransk målar og skulptør som er best kjend for sine akademiske kunstverk og sine historiemåleri. Mange av måleria hans byggjer på ulike motiv i orientalismen, gresk mytologi og klassiske framstillingar. I tillegg måla han portrett.

Jean-Léon Gérôme
Statsborgarskap	Frankrike
Fødd	11. mai 1824 Vesoul
Død	10. januar 1904 (79 år) 9. arrondissement i Paris
Yrke	kunstmålar, bilethoggar, lærar, grafikar, bygningstegner, porselensmaler, biletkunstnar
Språk	fransk
Medlem av	Académie des beaux-arts, Ligue de la patrie française, Royal Academy of Arts, Det kongelege svenske kunstakademiet, American Academy of Arts and Sciences, Société des peintres orientalistes français
Jean-Léon Gérôme på Commons

Liv og gjerning

Jean-Léon Gérôme i atelieret sitt i Paris.

Gérôme var fødd i Vesoul i Haute-Saône. 17 år gammal reiste han til Paris, der han gjekk i lære hos Paul Delaroche. Saman reiste dei i 1844-45 på ei reise i Italia. To år etter heimkomsten debuterte Gérôme så på den årlege utstillinga på Paris-salongen med måleriet Hanekamp, og fekk ein medalje.

Dei neste åra deltok han regelmessig på dei viktigaste fransk kunstutstillingane med måleri over historiske og mytologiske tema. Reiser til Tyrkia i 1854 og til Egypt i 1857 førte til nye motiv kom med i målera hans. Mange av bileta viser til Orienten, medan andre syner berømte historiske hendingar. Eit av hans mest kjente verk, laga i 1867, syner Napoléon framom sfinksen i Giza i Egypt.

Gérôme vert halde som ein av de viktigaste målarane frå den akademiske perioden. I tillegg til å vere ein etterspurd målar, hadde han gjennom åra svært mange elevar.

Gérôme var ein svoren motstandar av impresjonismen, og kjempa iherdig mot denne stilretninga då ho byrja fange interesse midt på 1870-talet.

• 
  Hanekamp, 1846
• 
  Napoleon framom sfinxen, 1867-68
• 
  Tommelen ned, 1872

Kjelder

• Denne artikkelen bygger på «Jean-Léon Gérôme» frå Wikipedia på tysk, den 6. oktober 2013.