Johan Budtz
Johan Andreas Budtz (1771–13. august 1845) var ein dansk-norsk embetsmann og stortingsmann.
| Johan Budtz | |
| Fødd | 1771 Randers kommune |
| Død |
13. august 1845 (74 år) |
| Yrke | politikar |
Budtz var fødd i Randers i Danmark, der faren hans var kjøpmann. Sjølv tok han juridisk eksamen i 1795, og vart kopist i rentekammeret året etter. Frå 1798 var han fullmektig i rentekammeret.
Budtz representerte Søndre Bergenhus amt på Stortinget 1815-16, 1818, 1824, 1827, 1828 og 1833. I 1815-16 var han visepresident i Odelstinget og i Stortinget, samt visesekretær i Stortinget og Odelstinget. Han var medlem av åtte komitear. I 1818 var han opphavleg suppleant, men møtte på Stortinget frå 31. mars, då valet av ein representant vart forkasta. Han var visepresident i Stortinget og formann i tre av dei 17 komiteane han var med i. I 1824 var han president og visepresident i Odelstinget og medlem av åtte komitear. Både i 1827 og på det overordentlege storting 1828 var han visepresident i Odelstinget og medlem av valkomiteen. I 1833 var han visepresident i Stortinget og formann i både valkomiteen og komiteen om gasjar, pensjonar, budsjett- og skattevesen.
I 1819 vart Budtz fut i Sunnhordland og Hardanger. Han var då busett på Stord, der han døydde i 1845.
KjelderEndra
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Johan Budtz NSD Norsk senter for forskningsdatas politikararkiv