Johan H. Andresen jr.
Johan Henrik Andresen (fødd 25. juli 1961) er ein norsk forretningsmann som var registrert som den rikaste i Noreg på dei offisielle skattelistene for 2007. Han er god for nærare 2,8 milliardar norske kroner, og hadde ei inntekt på over 439 millionar norske kroner i følgje likninga for 2007. Sedan 2011 har han ikke nytta jr. etter sitt namn.
| Johan H. Andresen jr. | |
.jpg) | |
| Statsborgarskap | Noreg |
| Fødd | 25. juli 1961 (62 år) Oslo |
| Yrke | investor, forretningsdrivande |
| Far | Johan Henrik Andresen (1930–2011) |
| Nettstad | https://ferd.no |
| Johan H. Andresen jr. på Commons | |
Rikdomen kan i stor grad knytast til arven av eit stort tobakkskonsern. Som den eldste av fire sysken i Andresen-familien, som har drive tobakksproduksjon sidan 1849, vart det han som arva verksemda. Han overtok gradvis som innehavar utover på 1990-talet og vart partnar i 1994 og konsernsjef i 1998. Men i 2005 selde han alle aksjane sine i Skandinavisk Tiedemanns Tobaksfabrik for 3,3 milliardar kroner. I dag er han eigar og konsernsjef i morselskapet Ferd. Dette har også fleire dotterselskap i andre bransjar, som til dømes Elopak som produserer emballasje og Swix som produserer skismurning. Han viste også interesse for å kjøpe sveitsiske SIG i 2006–2007, men valde til slutt å trekkje seg frå budkampen.[1]
Andresen har engasjert seg i arbeidet med å få fram unge forretningstalent, mellom anna gjennom ulike opplegg for unge gründerar og som styremedlem i Ungt Entreprenørskap Norge. Han har også teke initiativ til eit samarbeid mellom private aktørar og det offentlege for å få oppretta eit stort mikrofinansfond for Noreg (2006).
Johan Henrik Andresen har ein Bachelor of Arts på Dartmouth College i USA frå 1988 og ein Master of Business Administration frå Rotterdam School of Management i Nederland frå 1993.[2] I tillegg har han studert historie ved Universitetet i Oslo og arbeidd som produktsjef i International Paper Co. i USA. Andresen er busett i Oslo og har to døtrer.
Kjelder endre
- Knut Olav Åmås [red.]: «Andresen jr., Johan H.» i Hvem er hvem? (Aschehoug, 2008).
- «Johan Henrik Andresen jr.» på Store Norske Leksikon, innhenta 30.06.2009.
Fotnotar endre
- ↑ «Satser på videre vekst – uten SIG[daud lenkje]» på Ferd.no
- ↑ «Konsernledelsen Arkivert 2010-10-30 ved Wayback Machine.» på Ferd.no