Johan Nymo
Johan Nymo (4. august 1908–27. august 1997 på Andselv) var ein norsk lærar og folkemusikar.
| Johan Nymo | |||
| Fødd | 4. august 1908 | ||
|---|---|---|---|
| Fødestad | Målselv kommune | ||
| Død | 26. august 1997 (89 år) | ||
| Dødsstad | Målselv kommune | ||
| Opphav | Noreg | ||
| Verka som | musikar | ||
| Prisar | Blixprisen | ||
Bakgrunn
endreJohan Nymo var elev på Trondarnes folkehøgskole 1928-29.[1] Han gjekk ut frå Tromsø lærarskole i 1934, på den første 4-årige utdanninga der. Så bar det rett til Straumen i Sørreisa der han var lærar eitt år. I 1935 bar det til Arnøyhamn som lærar, men så vendte han tilbake til Sørreisa året etter. Og her var han lærar i 9 år. I 1946 kom han så til Målselv, og her var han lærar i 29 år fram til han gjekk av i 1975.[2]
Kulturarbeid
endreJohan Nymo var med å etablere og han dirigerte Sørreisa mannskor frå 1939.[3]
Johan Nymo var den som kalla inn til skipingsmøtet i Målselv Mållag 18. desember 1947, og han var også den første formannen i laget. Han sat som leiar i 30 år, heilt til 1977.[4]
Johan Nymo gjorde eit stort arbeid med å samle inn folkemusikk i Målselv slik at mange av slåttane og songane ikkje døydde ut. På 1950-60-talet sykla han milevis rundt med ein bandspelar på bagasjeberaren for å feste slåttar til band og intervjue gamle spelmenn. Mykje av dette er samla i Spelmenn og spelmannsarv i Målselv.
I 1949 gjekk Johan Nymo i spissen då Målselv Mållag arrangerte det første spelmannsstemnet i Målselv,[5] og utifrå dette voks Målselv Spelmannslag fram. I 1970 arrangerte Målselv Mållag og Målselv Spelmannslag det første spelmannsstemnet for Nordkalotten med Johan Nymo som initiativtakar og gjennomførar. Her deltok det blant anna fire svenske spelmenn.[6][7] Seinare fekk dette nordiske spelmannstreffet namnet Kalottspel.[8]
Johan Nymo var sentral i prosessen som på 1940-talet gjorde «Målselvbindingen» (med stramming frampå tåa, slik som den kjente Kandahar-bindinga) kjent i det nasjonale skigåing-miljøet.[9]
Johan Nymo blei tildelt Blixprisen 1986.[10] I 1984 fekk han Kongens fortenestemedalje i sølv.[11]
Johan Nymo var far til folkemusikaren Svein Nymo.
Utgjevingar
endreReferansar
endre- ↑ Trondarnes folkehøgskule 1919-1929, side 42 (elevliste)
- ↑ Nye Troms, torsdag 28. august 1975 [1]
- ↑ "Sørreisa mannskor, ca. 1938" (bilde), i: Sørreisa bygdebok. Gård og slekt. Bind 2, side 336 [2]
- ↑ Nye Troms, torsdag 6. november 1997 [3]
- ↑ Tromsø, onsdag 22. juni 1949: Spelmanns-stemne i Målselv. 300 mennesker møter fram på Dølheim [4]
- ↑ Nordlys, torsdag 1. oktober 1970. Spelmannstevne på Bardufoss i helga [5]
- ↑ Nordlys, onsdag 21. oktober 1970: Felespill og fest i Målselv [6].
- ↑ Nordlys, tirsdag 24. juni 1975: Spelemenn fra hele Nordkalotten til Målselv (Kalottspel 75) [7]
- ↑ Tromsø, fredag 23. januar 2004: Målselvbindingen, av Vidkunn Haugli [8]
- ↑ Nye Troms, tirsdag 6. mai 1986: Johan Nymo fekk Blix-prisen [9]
- ↑ «Kongens Fortjenestemedalje til han Johan». Nye Troms. 28. februar 1984.
- ↑ ABC i felespel med slåttegrep [10]
- ↑ Spelmenn og spelmannsarv i Målselv [11]