Johan Pettersen

Johan Edvind Pettersen (5. april 1887–juni 1964) var ein norsk fabrikkarbeidar og politikar frå Sarpsborg. Han representerte Arbeidarpartiet på Stortinget frå 1931 til -45.

Johan Pettersen
Statsborgarskap	Noreg
Fødd	5. april 1887 Sarpsborg kommune
Død	juni 1964
Yrke	politikar
Politisk parti	Arbeidarpartiet

Pettersen var son til ein tomtearbeidar. Sjølv arbeidde han til 1932 ved De Norske Melkefabrikker i Sannesund til 1932. Frå 1938 var han tilsynsassistent i arbeidsinspektoratet.

Pettersen engasjerte seg i politisk arbeid og var medlem i Sarpsborg bystyre frå 1919 til 1940, også medlem i fattigstyret i byen. Etter å ha vore fagforeiningsleiar ved mjølkefabrikken, vart han vald til formann i Norsk Nærings- og Nydelsesmiddels-arbeiderforbund. Frå 1930 til -33 var han landsstyremedlem i Arbeidarpartiet. Han vart vald til stortingsrepresentant hausten 1930 for dei fire byane i Østfold og Drøbak i Akershus, og vart attvald i 1933 og -36. På Stortinget var han 1931-33 og 1937-45 medlem i Administrasjonskomiteen, i den mellomliggande perioden, 1934-36, hadde han plass i Skog- og vassdragskomiteen.

Kjelder

• Stortingsbiografi Arkivert 2016-11-14 ved Wayback Machine.