Johan Vestly
Johan Vestly (24. november 1923–28. november 1993) var ein norsk biletkunstnar fødd i Oslo. Han studerte ved teiknelinja på Statens kunsthandverks- og industriskule, på Bjarne Engebrets malerskole, var elev hos Erling Merton, og studerte i Paris.
| Johan Vestly | |
 | |
| Statsborgarskap | Noreg |
| Fødd | 24. november 1923 Christiania |
| Død |
28. november 1993 (70 år) |
| Yrke | illustratør, kunstmålar |
| Ektefelle | Anne-Cath. Vestly |
| Born | Jo Vestly, Håkon Vestly |
Johan Vestly debuterte på haustutstillinga i 1947, og stod mellom anna for teaterdekorasjonar til Studioteateret, Oslo Nye Teater og Riksteateret. Han samarbeida mykje med kona si, Anne-Cath. Vestly. Dei laga programma om Kanutten saman, og han illustrerte dei fleste barnebøkene hennar. Den første boka han illustrerte var Ole Aleksander Filibom-bom-bom frå 1953.
Vestly fekk Kirke- og undervisningsdepartementet sin premie for illustrasjonar for arbeidet sitt med Guro og nøkkerosene i 1977. Han illustrerte òg nokre av Alf Prøysen sine utgjevingar, og laga fleire dokumentarfilmar.